20 ವರ್ಷದಿಂದ ಕಟ್ಟಿದ ಆಫ್ಘಾನಿಸ್ತಾವನ್ನು ತಾಲಿಬಾನಿಗಳು ಕೆಡವಿ ಹಾಕುತ್ತಿದ್ದಾರೆ ಎಂದು ಭಾರೀಯ ಮೂಲದ ಆಫ್ಘಾನಿಸ್ತಾನ ಸಂಸದ ನರೇಂದ್ರ ಸಿಂಗ್ ಕಾಲ್ಸಾ ಕಣ್ಣೀರಿಟ್ಟಿದ್ದಾರೆ.
ಆಫ್ಘಾನಿಸ್ತಾನದಲ್ಲಿ ಸಿಲುಕಿಕೊಂಡಿದ್ದ 168 ಭಾರತೀಯ ಮೂಲದವರನ್ನು ಕಾಬೂಲ್ ವಿಮಾನದ ಮೂಲಕ ದೆಹಲಿಗೆ ಕರೆತರಲಾಗಿದೆ. ಈ ವೇಳೆ ಮಾಧ್ಯಮದವರು ಕಾಬೂಲ್ ನ ಪರಿಸ್ಥಿತಿ ಕುರಿತು ಪ್ರಶ್ನಿಸಿದಾಗ ಉತ್ತರಿಸಲಾಗದೇ ಕಣ್ಣೀರಿಟ್ಟರು.
ನನಗೆ ದುಃಖ ತಡೆಯಲು ಆಗುತ್ತಿಲ್ಲ. ಕಳೆದ 20 ವರ್ಷಗಳಿಂದ ಕಟ್ಟಿದ ಆಫ್ಘಾನಿಸ್ತಾನ ಈಗ ಧ್ವಂಸವಾಗುತ್ತಿದೆ. ಈಗ ಅಲ್ಲಿ ಶೂನ್ಯ ಆವರಿಸಿದೆ ಎಂದು ನರೇಂದ್ರ ಸಿಂಗ್ ಭಾವೋದ್ವೇಗದಿಂದ ಹೇಳಿದರು.