ವೇತನ ಕೇಳಿದ್ದಕ್ಕೆ ಹೋಟೆಲ್ ಕಾರ್ಮಿಕನಿಗೆ ಗೂಸಾ

ಗುರ್ಗಾಂವ್:  ವೇತನ ಕೇಳಿದ ತಪ್ಪಿಗೆ ಹೋಟೆಲ್ ಕಾರ್ಮಿಕನ ಮೇಲೆ ಆತನ ಮಾಲಿಕರು ಮತ್ತು ಸಹೋದ್ಯೋಗಿಗಳು ಹಿಗ್ಗಾ ಮುಗ್ಗಾ ಥಳಿಸಿದ ಘಟನೆ ಗುರ್ಗಾಂವ್ ನಲ್ಲಿ ನಡೆದಿದೆ.

ಹೋಟೆಲ್ ಒಂದರಲ್ಲಿ ಅಡುಗೆಯವನಾಗಿ ಕೆಲಸಕ್ಕೆ ಸೇರಿಕೊಂಡಿದ್ದ ವ್ಯಕ್ತಿಗೆ ಊಟ, ವಸತಿ ನೀಡಲಾಗಿತ್ತು. ಆದರೆ ವೇತನ ನೀಡಿರಲಿಲ್ಲ. ಈ ಬಗ್ಗೆ ಪ್ರಶ್ನಿಸಿದ್ದಕ್ಕೆ ಹಿಗ್ಗಾಮುಗ್ಗಾ ಥಳಿಸಲಾಗಿದೆ. ತೀವ್ರವಾಗಿ ಗಾಯಗೊಂಡ ಆತನನ್ನು ಆಸ್ಪತ್ರೆಗೆ ಸೇರಿಸಲಾಗಿದ್ದರೂ ಬದುಕುಳಿಯಲಿಲ್ಲ. ವಿಪರ್ಯಾಸವೆಂದರೆ ಪೊಲೀಸರು ಇನ್ನೂ ಹೋಟೆಲ್ ಮಾಲಿಕರ ಮೇಲೆ ಕ್ರಮ ಕೈಗೊಂಡಿಲ್ಲ.