ಕೇರಳದಲ್ಲಿ ₹2 ರೂಪಾಯಿ ವೈದ್ಯೆ ಎಂದೇ ಕರೆಯಲ್ಪಡುತ್ತಿದ್ದ ಡಾ. ಎಕೆ ರೈರು ಗೋಪಾಲ್ ಅವರು ಭಾನುವಾರ ನಿಧನರಾದರು. ಉತ್ತರ ಕೇರಳದ ಕಣ್ಣೂರಿನ ಪಾಲಿನ ಜನತೆ ಪಾಲಿನ ಆಶಾಕಿರಣವಾಗಿದ್ದ ವೈದ್ಯ ಇಂದು ಕೊನೆಯುಸಿರೆಳೆದರು.
50 ವರ್ಷಗಳಿಂದ ವೈದ್ಯಕೀಯ ಲೋಕದಲ್ಲಿ ಅತ್ಯಲ್ಪ ಶುಲ್ಕವನ್ನು ವಿಧಿಸಿ, ರೋಗಿಗಳ ಆರೈಕೆ ಮಾಡುತ್ತಿದ್ದರು. ವೈದ್ಯರ ಸಮಾಲೋಚನೆಗೆ ಕೇವಲ ₹2ಯಿಂದ ಆರಂಬಭಿಸಿದ್ದ ಗೋಪಾಲ್ ಅವರು ಈಚೆಗೆ ₹40 ರಿಂದ ₹50 ರವರೆಗೆ ಶುಲ್ಕ ವಿಧಿಸಿದರು. ಕೆಲವೆಡೆ ವೈದ್ಯರ ಸಮಾಲೋಚನೆಗೆ ₹500 ರೂಪಾಯಿ ವಿಧಿಸುವಲ್ಲಿ ಗೋಪಾಲ್ ಅವರು ಬಡವರ ಪಾಲಿನ ಜೀವರಕ್ಷಕರಾಗಿದ್ದರು.
ಆರೋಗ್ಯ ಸೇವೆಯು ಹೆಚ್ಚಾಗಿ ವಾಣಿಜ್ಯೀಕರಣಗೊಂಡ ಸಮಯದಲ್ಲಿ, ಅವರು ಔಷಧದಲ್ಲಿ ಉದಾರತೆ ಮತ್ತು ನೈತಿಕತೆಯ ಸಂಕೇತವಾಗಿ ಉಳಿದರು. ಮನೆಗೆ ಭೇಟಿ ನೀಡಿದ ಸಂದರ್ಭದಲ್ಲಿ ರೋಗಿಯೊಬ್ಬರ ದಾರುಣ ಸ್ಥಿತಿಯನ್ನು ಕಣ್ಣಾರೆ ಕಂಡ ನಂತರ ಸ್ವಯಂಸೇವಾ ಸೇವೆಯತ್ತ ಅವರ ಪಯಣ ಆರಂಭವಾಯಿತು.
ಅಲ್ಲಿಂದೀಚೆಗೆ, ವಿಶೇಷವಾಗಿ ದೈನಂದಿನ ವೇತನದಾರರು, ವಿದ್ಯಾರ್ಥಿಗಳು ಮತ್ತು ಬಡವರಿಗೆ ಸುಲಭವಾಗಿ ಮತ್ತು ಕೈಗೆಟುಕುವ ವೈದ್ಯಕೀಯ ಸೇವೆಯನ್ನು ನೀಡಲು ಅವರು ತಮ್ಮನ್ನು ತಾವು ತೊಡಗಿಸಿಕೊಂಡರು.
ಕಾರ್ಮಿಕರ ಸಮಯದ ನಿರ್ಬಂಧಗಳನ್ನು ಅರ್ಥಮಾಡಿಕೊಂಡು, ಅವರು ಮುಂಜಾನೆ 3:00 ಗಂಟೆಯಿಂದಲೇ ರೋಗಿಗಳನ್ನು ನೋಡಲು ಪ್ರಾರಂಭಿಸಿದರು ಮತ್ತು ಕೆಲವೊಮ್ಮೆ ದಿನಕ್ಕೆ 300 ಕ್ಕೂ ಹೆಚ್ಚು ರೋಗಿಗಳಿಗೆ ಚಿಕಿತ್ಸೆ ನೀಡಿದ್ದು ಉಂಟು.
