ಕಬ್ಬಿನ ಗದ್ದೆಯಲ್ಲಿ ರಂಗೀನಾಟದಲ್ಲಿ ತೊಡಗಿದ್ದ ಮಧ್ಯವಯಸ್ಸಿನ ವ್ಯಕ್ತಿ ಮತ್ತು ಹದಿಹರೆಯದ ಯುವತಿಯನ್ನು ಹಿಡಿದ ಗ್ರಾಮಸ್ಥರು ಇಬ್ಬರನ್ನು ಬೆತ್ತಲೆಯಾಗಿಸಿ ಗ್ರಾಮದಾದ್ಯಂತ ಮೆರವಣಿಗೆ ಮಾಡಿದ ದಾರುಣ ಘಟನೆ ವರದಿಯಾಗಿದೆ.
ಸಹೋದರನ ವಿವಾಹಕ್ಕಾಗಿ ಯುವತಿ ಗ್ರಾಮಕ್ಕೆ ಬಂದಿದ್ದಳು. ಆದರೆ, ವಿವಾಹಕ್ಕೆ ಬಂದಿದ್ದ ಮಧ್ಯ ವಯಸ್ಸಿನ ಪುರುಷ ಆಕೆಯನ್ನು ಮರಳು ಮಾಡಿ ರಾತ್ರಿ ಕಬ್ಬಿನ ಗದ್ದೆಗೆ ಕರೆದುಕೊಂಡು ಬಂದು ಲೈಂಗಿಕ ಕ್ರಿಯೆಯಲ್ಲಿ ತೊಡಗಿದ್ದ. ಆದರೆ ಕಬ್ಬಿಗೆ ನೀರು ಹಾಯಿಸು ಬಂದ ಗ್ರಾಮಸ್ಥರಿಗೆ ಗದ್ದೆಯಲ್ಲಿ ಯಾರು ಇರುವ ಬಗ್ಗೆ ಅನುಮಾನ ಬಂದು ನೋಡಿದಾಗ ಪುರುಷ ಮತ್ತು ಯುವತಿ ರಂಗೀನಾಟದಲ್ಲಿ ತೊಡಗಿರುವುದು ಕಂಡು ಬಂದಿದೆ.
ಇದನ್ನು ಕಂಡ ಗ್ರಾಮಸ್ಥರು ಆಕ್ರೋಶಗೊಂಡು ಇಬ್ಬರನ್ನು ಹಿಡಿದುಕೊಂಡು ಬಂದು ನಗ್ನಗೊಳಿಸಿ ಗ್ರಾಮದಾದ್ಯಂತ ಮೆರವಣಿಗೆ ನಂತರ ಕಂಬಕ್ಕೆ ಕಟ್ಟಿಹಾಕಿ ಥಳಿಸಿದ್ದಾರೆ.
ಸ್ಥಳೀಯ ಪೊಲೀಸರು ನಗ್ನಪರಿಸ್ಥಿತಿಯಲ್ಲಿರುವುದು ಕಂಡು ಇಬ್ಬರನ್ನು ಸಾರೈಯಹಾತ್ ಪೊಲೀಸ್ ಠಾಣೆಗೆ ಕರೆತಂದಿದ್ದಾರೆ. ಇಬ್ಬರಿಗೆ ವೈದ್ಯಕೀಯ ಚಿಕಿತ್ಸೆ ನೀಡಲಾಗುತ್ತಿದ್ದು ವಿಚಾರಣೆ ನಡೆಸಲಾಗುತ್ತಿದೆ ಎಂದು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ವೈ.ಎಸ್.ರಮೇಶ್ ತಿಳಿಸಿದ್ದಾರೆ.
