ಪಿಜ್ಜಾ ತಣ್ಣಗಾಗಿದಕ್ಕೆ ಡೆಲಿವರಿ ಬಾಯ್ ಗೆ ಗುಂಡು ಹಾರಿಸಿದ ಕಾನೂನು ವಿದ್ಯಾರ್ಥಿ

ಪಂಜಾಬ್ : ಆರ್ಡರ್ ಮಾಡಿದ ಪಿಜ್ಜಾ ತಣ್ಣಗಾಗಿದೆ ಎಂದು ಕಾನೂನು ವಿದ್ಯಾರ್ಥಿಯೊಬ್ಬ ಡೆಲಿವರಿ ಬಾಯ್ ಗೆ ಗುಂಡು ಹಾರಿಸಿದ ಘಟನೆ ಪಂಜಾಬ್ ನ ಖರಾರ್ ನಲ್ಲಿ ನಡೆದಿದೆ.

ಸನಮ್ ಸೇಥಿಯಾ, ಎಂಬಾತ ಗುಂಡು ಹಾರಿಸಿದ ವ್ಯಕ್ತಿ. ಈತ ಡಾಮಿನೋಸ್ ನಿಂದ ಪಿಜ್ಜಾ ಹಾಗೂ ಬ್ರೆಡ್ - ಬೆಣ್ಣೆಯನ್ನು ಆರ್ಡರ್ ಮಾಡಿದ್ದ. ಆದರೆ ಪಿಜ್ಜಾ ಬರುವುದು ಇಪ್ಪತ್ತು ನಿಮಿಷ ತಡವಾಗಿದೆ. ಇದರಿಂದ ಕೋಪಗೊಂಡಿದ್ದ ಸನಮ್ ಡೆಲಿವರಿ ಬಾಯ್ ಗೆ ಬಾಯಿಗೆ ಬಂದಂತೆ ಬೈದಿದ್ದಲ್ಲದೆ ಹಣವನ್ನೂ ಕೊಡಲು ನಿರಾಕರಿಸಿ, ಆತನ ವ್ಯವಸ್ಥಾಪಕ ಜಸ್ಬೀರ್ ಸಿಂಗ್ ಗೆ ಕರೆ ಮಾಡಿ ಬರುವಂತೆ ಹೇಳಿದ್ದಾನೆ.

ಅಲಿಗೆ ಬಂದ ಜಸ್ವೀರ್, ಮತ್ತಿಬ್ಬರು ಸಿಬ್ಬಂದಿಗಳು ಹಾಗೂ ಸನಮ್ ನಡುವೆ ಮಾತಿನ ಚಕಮಕಿ ನಡೆದಿದ್ದು, ಜಗಳ ವಿಕೋಪಕ್ಕೆ ತಿರುಗಿ ಸನಮ್ ತನ್ನ ಪರವಾನಗಿ ಇರುವ ಪಿಸ್ತೂಲ್ ಅನ್ನು ತೆಗೆದು ಗುಂಡು ಹಾರಿಸಿದ್ದಾನೆ. ಅದೃಷ್ಟವಶಾತ್ ಯಾರಿಗೂ ಪ್ರಾಣಾಪಾಯವಾಗಿಲ್ಲ. ಈ ಸಂಬಂಧ ಪೊಲೀಸರು ಸನಮ್ ನನ್ನು ಬಂಧಿಸಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ.