ಗುರುವಾರ ಮಹತ್ವದ ಘೋಷಣೆ ಮಾಡಿದ ಕೇಂದ್ರ ಸರಕಾರ ಆರ್ಥಿಕವಾಗಿ ಹಿಂದುಳಿದ ವಿದ್ಯಾರ್ಥಿಗಳಿಗೆ ಎಂಬಿಬಿಎಸ್, ಎಂಡಿ, ಎಸ್, ಬಿಡಿಎಸ್, ಮತ್ತು ಡಿಪ್ಲೊಮಾ ವಿಭಾಗದಲ್ಲಿ ಶೇ.10ರಷ್ಟು ಮೀಸಲು ಪ್ರಕಟಿಸಿದೆ.
ಅಖಿಲ ಭಾರತ ಮಟ್ಟದಲ್ಲಿನ ಅಂಡರ್ ಗ್ರ್ಯಾಚ್ಯುಯೆಟ್ ಮತ್ತು ಪೋಸ್ಟ್ ಗ್ರ್ಯಾಚ್ಯುಯೆಟ್ ಕಾರ್ಯಕ್ರಮಗಳಿಗೆ ಈ ಘೋಷಣೆ ಅನ್ವಯ ಆಗಲಿದೆ. ಇದರಿಂದ 5550 ವಿದ್ಯಾರ್ಥಿಗಳಿಗೆ ಅನುಕೂಲವಾಗಲಿದೆ ಎಂದು ಪ್ರಧಾನಿ ನರೇಂದ್ರ ಮೋದಿ ಘೋಷಿಸಿದ್ದಾರೆ.
ಈ ಘೋಷಣೆಯು ಮುಂಬರುವ ಉತ್ತರ ಪ್ರದೇಶ ವಿಧಾನಸಭಾ ಚುನಾವಣೆಯ ಮೇಲೆ ಪರಿಣಾಮ ಬೀರಲಿದ್ದು, ಜಾತಿ ಆಧಾರಿತ ಹೊಂದಾಣಿಕೆ ಹಾಗೂ ಮತಗಳನ್ನು ಸೆಳೆಯುವಲ್ಲಿ ಪ್ರಮುಖ ಪಾತ್ರ ವಹಿಸಲಿದೆ ಎಂದು ವಿಶ್ಲೇಷಿಸಲಾಗಿದೆ.