ತಂದೆಯ ಮೇಲಿನ ಸಿಟ್ಟನ್ನು ಮಗಳ ಮೇಲೆ ತೀರಿಸಿಕೊಂಡ ಮಹಿಳೆ

ಅಹಮದಾಬಾದ್ : 32 ವರ್ಷದ ಮಹಿಳೆಯೊಬ್ಬಳು ತಂದೆಯ ಮೇಲಿನ ಸಿಟ್ಟಿಗೆ ಅವರ  ಮಗಳ  ಫೋಟೊವನ್ನು ಅಶ್ಲೀಲವಾಗಿ ಬಳಸಿದ ಘಟನೆ  ಅಹಮದಾಬಾದ್ ನಲ್ಲಿ ನಡೆದಿದೆ.

ಬಾಲಕಿಯ ತಂದೆ ಹಾಗೂ ಆರೋಪಿ ಮಹಿಳೆಯ ನಡುವೆ ಜಗಳವಾಗಿತ್ತು. ಈ ಕಾರಣದಿದಂ ತಂದೆಯ ಮೇಲೆ ಪ್ರತಿಕಾರ ತೀರಿಸಿಕೊಳ್ಳಲು ನಿರ್ಧಾರ ಮಾಡಿದ ಮಹಿಳೆ ಅವರ ಮಗಳ ಫೋಟೊವನ್ನು ಅಶ್ಲೀಲವಾಗಿ ಮಾಡಿ ಅದರ ಮೇಲೆ ಫೋನ್ ನಂಬರ್ ಬರೆದು ಸೋಶಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಮಾಡಿದ್ದಾಳೆ. ಇದನ್ನು ನೋಡಿದ ತಂದೆ ಈ ಬಗ್ಗೆ ಪೊಲೀಸರಿಗೆ ದೂರು ನೀಡಿದ್ದು, ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಆರೋಪಿ ಮಹಿಳೆಯನ್ನು ಬಂಧಿಸಿದ್ದಾರೆ.