ಪತ್ನಿಯನ್ನು ಕರೆದುಕೊಂಡು ಮನೆಗೆ ಬಂದ ಅತ್ತೆಗೆ ಅಳಿಯ ಮಾಡಿದ್ದೇನು ಗೊತ್ತಾ?

ಕಲಬುರಗಿ : ಮಗಳ  ಸಂಸಾರ ಸರಿ ಮಾಡಲು ಬಂದ ಅತ್ತೆ ಅಳಿಯ ಕೈಯಿಂದ ಕೊಲೆಯಾದ ಘಟನೆ ಕಲಬುರಗಿ ಜಿಲ್ಲೆಯ ಕಮಲಾಪುರ ತಾಲೂಕಿನ ಭೀಮನಾಳ ಗ್ರಾಮದಲ್ಲಿ ನಡೆದಿದೆ.

ಲಕ್ಷ್ಮೀಬಾಯಿ(45) ಕೊಲೆಯಾದ ಮಹಿಳೆ. ರಾಮು(55) ಕೊಲೆ ಮಾಡಿದ ಅಳಿಯ. ಪತಿ ಮತ್ತು ಮಗಳ ನಡುವೆ ಜಗಳ ನಡೆದ ಹಿನ್ನಲೆಯಲ್ಲಿ ಮಗಳು ತವರು ಮನೆಗೆ ಬಂದಿದ್ದಾಳೆ. ಆದರೆ ಮಹಿಳೆ ತನ್ನ ಮಗಳ ಸಂಸಾರ ಸರಿಯಾಗಿ ಅವಳು ಸಂತೋಷದಿಂದ ಪತಿಯೊಂದಿಗೆ ಸಂಸಾರ ಮಾಡಬೇಕು ಎಂದು ಸಮಸ್ಯೆ ಬಗೆಹರಿಸಲು ಮಗಳನ್ನು ಕರೆದುಕೊಂಡು ಅಳಿಯ ಮನೆಗೆ ಬಂದಿದ್ದಾಳೆ.

ಆದರೆ ಅಲ್ಲಿ ಅತ್ತೆ ಮತ್ತು ಅಳಿಯ ನಡುವೆಯೇ ಜಗಳ ಶುರುವಾಗಿ ಕೋಪಗೊಂಡ ಅಳಿಯ ಅತ್ತೆಯ ತಲೆಯ ಮೇಲೆ ಕಲ್ಲು ಎತ್ತಿ ಹಾಕಿ ಕೊಲೆ ಮಾಡಿ ಪರಾರಿಯಾಗಿದ್ದಾನೆ. ಈ ಬಗ್ಗೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು  ಆರೋಪಿಗಾಗಿ ಹುಡುಕಾಟ ನಡೆಸುತ್ತಿದ್ದಾರೆ ಎನ್ನಲಾಗಿದೆ.