ಹೋಳಿ ಹಬ್ಬದಲ್ಲಿ ಬಣ್ಣದ ಓಕುಳಿ ಆಡಿ ಅಲರ್ಜಿಯಾಗದಂತೆ ತಡೆಯಲು ಹೀಗೆ ಮಾಡಿ

ಬೆಂಗಳೂರು: ಇನ್ನೇನು ಹೋಳಿ ಹಬ್ಬ ಬಂದೇ ಬಿಡ್ತು. ಸೋಮವಾರ ಅಂದರೆ ಮಾರ್ಚ್ 9 ರಂದು ಹೋಳಿ ಹಬ್ಬವಿದ್ದು ಎಲ್ಲರೂ ಬಣ್ಣದ ಓಕುಳಿ ಆಡಿ ಸಂಭ್ರಮಾಚರಿಸುವುದು ಮಾಮೂಲು. ಆದರೆ ಬಣ್ಣದ ನೀರು ಕೆಲವರಿಗೆ ಅಲರ್ಜಿ ತರುತ್ತದೆ. ಹೀಗಾಗಿ ಓಕುಳಿ ಆಡಿದ ಬಳಿಕ ಕೆಲವೊಂದು ಟಿಪ್ಸ್ ಪಾಲಿಸಿದರೆ ಚರ್ಮದ ಅಲರ್ಜಿ ತಡೆಯಬಹುದು.

• ಆದಷ್ಟು ರಾಸಾಯನಿಕ ಬಣ್ಣ ಬಳಸಬೇಡಿ
• ಹೋಳಿ ಆಡಿದ ಬಳಿಕ ಹರಿಯುವ ನೀರಿನಲ್ಲಿ ಸುಮಾರು 10 ನಿಮಿಷ ಮೈಯೊಡ್ಡಿ ಚೆನ್ನಾಗಿ ತೊಳೆದುಕೊಳ್ಳಿ.
• ಹೋಳಿಯ ನಂತರ ಸ್ನಾನ ಮಾಡುವಾಗ ತೇವಾಂಶಭರಿತ ಸಾಬೂನು ಬಳಸಿ.
• ಮುಖಕ್ಕೆ ಗುಣಮಟ್ಟದ ಫೇಸ್ ವಾಶ್ ಬಳಸಿ ಶುಚಿಗೊಳಿಸಿ. ಆದಷ್ಟು ಶುಚಿಗೊಳಿಸುವಾಗ ಮೃದುವಾಗಿ ಉಜ್ಜಿಕೊಳ್ಳಿ.
• ತಲೆಕೂದಲಿಗೆ ಶಾಂಪೂ ಬಳಸಿ ಬಳಿಕ ಕಂಡೀಷನರ್ ಬಳಸಿ.
• ಸ್ನಾನದ ಬಳಿಕ ಕೂದಲಿಗೆ ಕಲರ್ ಪ್ರೊಟೆಕ್ಟ್ ಕಂಡೀಷನರ್ ಬಳಸಿ. ಸ್ನಾನದ ಬಳಿಕ ಮೈಗೆ ಯಾವುದಾದರೂ ತೇವಾಂಶ ಭರಿತ ಬಾಡಿ ಲೋಷನ್ ಅಥವಾ ಕೊಬ್ಬರಿ ಎಣ್ಣೆ ಬಳಸಿ.