ಬೆಂಗಳುರು:ಜೇಡ ಕಿವಿಯೊಳಗೆ ಹೊಕ್ಕು ಗೂಡು ಕಟ್ಟಲು ಆರಂಭಿಸಿದರೆ ಪರಿಸ್ಥಿತಿ ಹೇಗಿರಬೇಡ ಹೇಳಿ. ಇಂತದ್ದೊಂದು ಘಟನೆ ಬೆಂಗಳೂರಿನಲ್ಲಿ ನಡೆದಿದೆ. ಹೆಬ್ಬಾಳದ ನಿವಾಸಿ ಲಕ್ಷ್ಮಿ ಎಂಬುವವರ ಕಿವ್ಯೊಳಗೆ ಜೇಡವೊಂದು ಸೇರಿಕೊಂಡಿತ್ತು.
ಲಕ್ಷ್ಮಿ ಅವರ ಕಿವಿಯಲ್ಲಿ ಎರಡು ದಿನಗಳಕಾಲ ಜೇಡ ಮನೆ ಮಾಡಿದ ಬಳಿಕ ವೈದ್ಯರ ನೆರವಿನೊಂದಿಗೆ ಅದನ್ನು ಹೊರತೆಗೆಯಲಾಗಿದೆ. ಕೆಲದಿನಗಳ ಹಿಂದೆ ಲಕ್ಷ್ಮಿ ತಲೆನೋವಿನ ಕಾರಣದಿಂದ ಕೊಲಂಬಿಯಾ ಆಸ್ಪತ್ರೆಗೆ ಹೋಗಿದ್ದರು. ಬಲಕಿವಿಯಲ್ಲಿ ಏನೋ ಹರಿದಾಡಿದಂತಾಗುತ್ತದೆ ಎಂದು ವೈದ್ಯರ ಬಳಿ ಹೇಳಿದ್ದಾರೆ ಈ ವೇಳೆ ಬಲಕಿವಿಗೆ ಬೆಳಕು ಹರಿಸಿ ನೋಡಿದಾಗ ಜೇಡವೊಂದು ಕುಳಿತಿತ್ತು.
ತಕ್ಷಣ ವೈದ್ಯರು ಲಕ್ಷ್ಮಿ ಕಿವಿಯಿಂದ ಜೇಡವನ್ನು ತೆಗೆದಿದ್ದಾರೆ. ಎರಡು ದಿನಗಳ ಕಾಲ ಲಕ್ಷ್ಮಿ ಸಹಿಸಲಾಗದ ಹಿಂಸೆ ಹೇಳಲಾಗದು. ಸಧ್ಯ ಲಕ್ಷ್ಮಿ ಈಗ ನೆಮ್ಮದಿಯಿಂದಿದ್ದಾರೆ.
