ಮನೆ ಕಳ್ಳತನ ಮಾಡಿ ಶೋಕಿ ಜೀವನ ನಡೆಸುತ್ತಿದ್ದ ಕಳ್ಳರು ಅಂದರ್

ಶೋಕಿ ಜೀವನ  ಮಾಡುವ ಸಲುವಾಗಿ ಮನೆಗಳ್ಳತನ ಹಾಗೂ ಬೈಕ್ ಕಳ್ಳತನ ಮಾಡುತ್ತಿದ್ದ ಕುಖ್ಯಾತ ಆರೋಪಿಗಳನ್ನ ಹೆಣ್ಣೂರು ಪೊಲೀಸರು ಬಂದಿಸಿದ್ದಾರೆ.  ಸುಮಾರು 100 ಕ್ಕೂ ಹೆಚ್ಚು ಮನೆಗಳ್ಳತನ ಪ್ರಕರಣ ಗಳಲ್ಲಿ ಭಾಗಿಯಾಗಿದ್ದ ಕಾರ್ತೀಕ್ ಅಲಿಯಾಸ್ ಎಸ್ಕೇಪ್ ಕಾರ್ತೀಕ್ ನನ್ನ ಅರೆಸ್ಟ್ ಮಾಡಲಾಗಿದೆ. ಬಂದಿತ ಆರೋಪಿಯಿಂದ 12 ಲಕ್ಷ ಮೌಲ್ಯದ ಸುಮಾರು 278 ಗ್ರಾಂ ಚಿನ್ನ ವನ್ನ  ವಶಪಡಿಸಿಕೊಳ್ಳಲಾಗಿದೆ.ಕೆಲವು ಅಪಾರ್ಟ್ ಮೆಂಟ್ ಗಳಲ್ಲಿ ಗ್ರಿಲ್ ಮುರಿದು‌ ಮನೆಯ ಮನೆಯ ಒಳಗೆ ಹೋಗಿ ಕಳತನ ಮಾಡುತ್ತಿದ್ದ .ಹೆಣ್ಣೂರು ಠಾಣಾ ವ್ಯಾಪ್ತಿಯಲ್ಲಿ ಮನೆಕಳ್ಳತನ‌ ಮಾಡುತ್ತಿದ್ದ ಮೂವರು ಆರೋಪಿಗಳನ್ನ ಬಂದಿಸಿಲಾಗಿದೆ.ಮೊಹಮ್ಮದ್ ಅಲಿಯಾಸ್ ಮಂಜುನಾಥ್, ಆಜಮ್‌ ಖಾನ್‌ ಅಲಿಯಾಸ್ ಬ್ರೂಸ್ಲಿ, ಸೈಯದ್ ನದೀಂ ಬಂದಿತ ಆರೋಪಿಗಳು. ಇನ್ನೂ ಐಷಾರಾಮಿ ಜೀವನ ಮಾಡಬೇಕು ಎನ್ನುವ ಉದ್ದೇಶದಿಂದ ಮನೆಯ ಮುಂದೆ  ನಿಲ್ಲಿಸಿದ ಬೈಕ್ ಗಳನ್ನ ಕಳ್ಳತನ ಮಾಡುತ್ತಿದ್ದ  ಖದೀಮರನ್ನ ಬಂದಿಸಲಾಗಿದೆ. ಮನೋಜ್ ಕುಮಾರ್ ಹಾಗೂ ಅಪ್ರೋಜ್ ಬಂದಿತ ಆರೋಪಿಗಳು. ಬಂದಿತರಿಂದ 7 ಲಕ್ಷ ಮೌಲ್ಯದ 12 ಬೈಕ್ ಗಳನ್ನ ವಶಪಡಿಸಿಕೊಳ್ಳಲಾಗಿದೆ.