ಲಾಕ್ ಡೌನ್ ಜಾರಿಯಲ್ಲಿರೋದ್ರಿಂದ ಎಣ್ಣೆ ಸಿಗದೇ ಪರಿತಪಿಸಿ ಕೊನೆಗೆ ಸ್ಯಾನಿಟೈಜರ್ ಕುಡಿದಿದ್ದ ತಮ್ಮ ಹಾಗೂ ಅಕ್ಕ ಸಾವನ್ನಪ್ಪಿದ್ದಾರೆ.
ಧಾರವಾಡ ಜಿಲ್ಲೆಯ ಕಲಘಟಗಿ ತಾಲೂಕಿನ ಗಂಬ್ಯಾಪುರದಲ್ಲಿ ಘಟನೆ ನಡೆದಿದ್ದು, ಬಸವರಾಜ್ (44) ಹಾಗೂ ಜಂಬಕ್ಕ (47) ಸಾವನ್ನಪ್ಪಿದ್ದಾರೆ.
ಎಣ್ಣೆ ಸಿಗದ ಕಾರಣ ಇವರಿಬ್ಬರು ಸ್ಯಾನಿಟೈಜರ್ ಕುಡಿದಿದ್ದರು. ಮೂರ್ನಾಲ್ಕು ದಿನಗಳಿಂದ ಮದ್ಯ ವ್ಯಸನಿಗಳಾಗಿದ್ದ ಇವರಿಬ್ಬರು ಸ್ಯಾನಿಟೈಜರ್ ಕುಡಿದಿದ್ದರು. ಆಸ್ಪತ್ರೆಗೆ ದಾಖಲು ಮಾಡಲಾಗಿತ್ತಾದರೂ ಚಿಕಿತ್ಸೆ ಫಲಕಾರಿಯಾಗದೇ ಸಾವನ್ನಪ್ಪಿದ್ದಾರೆ.
