ಚಿಲ್ಲರೆ ಹಣಕ್ಕಾಗಿ ಪ್ರಾಣ ಸ್ನೇಹಿತನ ಪ್ರಾಣವನ್ನೇ ತೆಗೆದ

ಸಾಲ ಕೊಟ್ಟೋನು ಕೋಡಂಗಿ. ಇಸ್ಕಂಡೋನು ಈರಭದ್ರ ಅನ್ನೋದು ಗಾದೆ ಮಾತು. ಇದರರ್ಥ ಕೊಟ್ಟ ಸಾಲ ಮರಳಿ ಬರೋದು ಡೌಟ್ ಅನ್ನೋದು. ಬಹಳಷ್ಟು ಸಲ ಈ ಮಾತು ನಿಜವಾದ್ರೂ ಸಾಲವೇ ಇಲ್ಲಿ ಸ್ನೇಹಿತನೊಬ್ಬನನ್ನು ಶೂಲಕ್ಕೆ  ಏರಿಸಿದೆ.

ಅವರಿಬ್ಬರೂ ಪ್ರಾಣ ಸ್ನೇಹಿತರು. ಆದರೆ ಚಿಲ್ಲರೆ ಕಾಸು ಅವರಿಬ್ಬರ ಜೀವನವನ್ನೇ ದಾರುಣವಾಗಿಸಿದೆ.

ರಾಮು ಎಂಬಾತ ತನ್ನ ಸ್ನೇಹಿತನಿಗೆ  ನೂರು ರೂಪಾಯಿಗಳನ್ನು ಆಗಾಗ ಚಿಲ್ಲರೆಯಾಗಿ ಸಾಲವಾಗಿ ನೀಡಿದ್ದನು. ಸಾಲ ಪಡೆದುಕೊಂಡಿದ್ದ ಬಿರ್ಜು ಎಂಬಾತ ತನಗೆ ಸಾಲ ನೀಡಿದ ಪ್ರಾಣ ಸ್ನೇಹಿತನ ಪ್ರಾಣವನ್ನೇ ತೆಗೆದಿದ್ದಾನೆ.

ರಾಮು ತಾನು ಕೊಟ್ಟ ಸಾಲವನ್ನು ಮರಳಿ ಕೇಳಿದ್ದಾನೆ. ಇದರಿಂದ ಸಿಟ್ಟಿಗೆದ್ದ ಬಿರ್ಜು ಕುಮಾರ ರೊಚ್ಚಿಗೆದ್ದು ತನ್ನ ಸ್ನೇಹಿತನೇ ಆಗಿದ್ದ ರಾಮುವಿನ ತಲೆಗೆ ಹೊಡೆದು ಕೊಲೆ ಮಾಡಿದ್ದಾನೆ.

ಉತ್ತರ ಪ್ರದೇಶದ ಲಖಂಪುರ ಖೇರಿ ಜಿಲ್ಲಾ ಕೇಂದ್ರ ವ್ಯಾಪ್ತಿಯಲ್ಲಿ ಈ ಘಟನೆ ನಡೆದಿದೆ. ಕೊಲೆ ಆರೋಪಿಯನ್ನು ಪೊಲೀಸರು ಬಂಧನ ಮಾಡಿದ್ದಾರೆ.