ಬೆಂಗಳೂರು: ಚಿತ್ರದುರ್ಗದ ರೇಣುಕಸ್ವಾಮಿ ಕೊಲೆ ಪ್ರಕರಣದಲ್ಲಿ ಪರಪ್ಪನ ಅಗ್ರಹಾರದಲ್ಲಿ ವಿಚಾರಧೀನಾ ಕೈದಿಯಾಗಿರುವ ಪವಿತ್ರಾ ಗೌಡ ಅವರನ್ನು ಭೇಟಿಯಾಗಲು ಅವರ ಮನೆಯವರು ಇಂದು ಬಂದಿದ್ದಾರೆ.
ಪವಿತ್ರಾ ಗೌಡ ಅವರನ್ನು ವಿಚಾರಿಸಲು ಅವರ ತಾಯಿ, ಸಹೋದರ, ಚಿಕ್ಕಮ್ಮ ಅವರು ಪರಪ್ಪನ ಅಗ್ರಹಾರಕ್ಕೆ ಬಂದಿದ್ದಾರೆ. ಈ ವೇಳೆ ಪವಿತ್ರಾ ಸಹೋದರ ಮಾಧ್ಯಮಗಳ ಮೇಲೆ ರೇಗಾಡಿದ್ದಾನೆ.
ಕ್ಯಾಮರಾಗಳಿಗೆ ಗುರಾಯಿಸಿದ ಪವಿತ್ರಾ ಗೌಡ ಸಹೋದರ, ನನ್ನದೇನು ವಿಡಿಯೋ ಮಾಡ್ತಾ ಇದ್ದೀರಾ, ಮಾಡಕ್ಕೇನು ಕೆಲಸ ಇಲ್ವಾ ಎಂದು ಪ್ರಶ್ನಿಸಿದ್ದಾನೆ. ಪವಿತ್ರಾ ಗೌಡ ಜೈಲ್‌ನಲ್ಲಿರುವ ಸಿಟ್ಟನ್ನು ಮಾಧ್ಯಮಗಳ ಮೇಲೆ ಸಹೋದರ ತಿರೀಸಿಕೊಂಡಿದ್ದಾನೆ.
ನಿನ್ನೆ ಪೊಲೀಸ್ ಕಸ್ಟಡಿ ಮುಗಿದ ಬಳಿಕ ಪವಿತ್ರಾ ಗೌಡರನ್ನು ನ್ಯಾಯಾಂಗ ಬಂಧನಕ್ಕೆ ಒಳಪಡಿಸಿದ್ದಾರೆ. ಇನ್ನೂ ಪವಿತ್ರಾ ಅವರನ್ನು ಭೇಟಿಯಾಗಲು ಅವರ ತಾಯಿ ಮತ್ತು ಮಗಳು ಹೈಕೋರ್ಟ್ ಬಳಿ ಬಂದು ಕಾದು ಕುಳಿತಿದ್ದರು. ಇನ್ನೂ ಪವಿತ್ರಾ ಅವರು ಪೊಲೀಸ್ ವ್ಯಾನ್ ಹತ್ತುವಾಗ ಅವರನ್ನು ಮಾತನಾಡಿಸಲು ತಾಯಿ ಮತ್ತು ಮಗಳು ಮುಂದಾಗಿದ್ದಾರೆ. ಈ ವೇಳೆ ತಾಯಿ ಜೈಲಿಗೆ ಹೋಗುತ್ತಿರುವುದನ್ನು ನೋಡಿ ಮಗಳು ಬಿಕ್ಕಿ ಬಿಕ್ಕಿ ಅತ್ತಾ ಘಟನೆ ನಡೆದಿದೆ.