ನಿಮ್ಮ ಊರಲ್ಲೇ ಶುರುವಾಯ್ತು ನೂತನ ‘ಆಧಾರ್ ಸೇವಾ ಕೇಂದ್ರ’

ಹೊಸ ಆಧಾರ್ ಕಾರ್ಡ್ ಪಡೆಯಲು ಹಾಗೂ ನವೀಕರಣ ಮಾಡಿಸಿಕೊಳ್ಳಲು ಬಯಸುವವರಿಗೆ ಇದು ಶುಭ ಸುದ್ದಿ.

ಇದೀಗ ಹುಬ್ಬಳ್ಳಿಯಲ್ಲಿಯೇ ಆಧಾರ್ ಸೇವಾ ಕೇಂದ್ರ ತೆರೆಯಲಾಗಿದೆ. ನಗರದ ಕ್ಲಬ್ ರೋಡ್ ನಲ್ಲಿರುವ ಚಿಟಗುಪ್ಪಿ ಪಾರ್ಕ ಸಮೀಪದ ಕೊಟಕ್ ಮಹೀಂದ್ರಾ ಬ್ಯಾಂಕ್ ಹಿಂದುಗಡೆ ನೂತನ ಆಧಾರ್ ಸೇವಾ ಕೇಂದ್ರ ತೆರೆಯಲಾಗಿದ್ದು, ವಾರದ ಏಳು ದಿನ ಮುಂಜಾನೆ 9.30 ರಿಂದ ಸಂಜೆ 6 ಗಂಟೆಯ ವರೆಗೆ ಕಾರ್ಯನಿರ್ವಹಿಸಲಿದೆ. 

ಇಲ್ಲಿ ಉಚಿತವಾಗಿ ಹೊಸ ಆಧಾರ ಕಾರ್ಡ್ ಪಡೆಯಬಹುದು. ಇರುವಂತಹ ಆಧಾರ್ ಕಾರ್ಡ್ ನವೀಕರಣ ( ಅಪ್ ಡೇಟ್ ) ಮಾಡಿಸಿಕೊಳ್ಳಲು 50 ರೂ. ಶುಲ್ಕ ನೀಡಬೇಕು. ಪ್ರತಿದಿನ 1000 ಅರ್ಜಿಗಳ ಸ್ವೀಕಾರ ಮಾಡಲಾಗುವುದು.