ಏಷ್ಯಾದಲ್ಲೇ ಅತಿ ಉದ್ದವಾದ ದಂತ ಹೊಂದಿದ್ದ ಮಿಸ್ಟರ್ ಕಬಿನಿ ಖ್ಯಾತಿಯ ಭೋಗೇಶ್ವರ (76) ಮೃತಪಟ್ಟಿದೆ.
ಕಬಿನಿಯ ಹಿನೀರಿನ ಗುಂಡ್ರೆ ಅರಣ್ಯ ಪ್ರದೇಶದಲ್ಲಿ ಆನೆಯ ಕಳೆಬರ ಪತ್ತೆಯಾಗಿದ್ದು ವಯೋಸಹಜ ಸಾವು ಎಂದು ತಿಳಿದು ಬಂದಿದೆ. ಕಬಿನಿಗೆ ಆಗಮಿಸುವ ಪ್ರವಾಸಿಗರ ಮುಖ್ಯ ಆಕರ್ಷಣೆಯಾಗಿದ್ದ ಭೋಗೇಶ್ವರನನ್ನು ನೋಡಲು ಜನರು ಎಲ್ಲೆಡೆಯಿಂದ ಆಗಮಿಸುತ್ತಿದದ್ದು ವಿಶೇಷ.
ಸುಮಾರು 4ಅಡಿ ಉದ್ದವಾದ ನೀಳ ದಂತ, ಸುಂದರ ನಡಿಗೆ ಮೂಲಕ ಪ್ರಾಣಿಪ್ರಿಯರ ಅಚ್ಚುಮೆಚ್ಚಾಗಿದ್ದ ಭೋಗೇಶ್ವರ ದಿನಕ್ಕೆ ಆಹಾರ ಅರಿಸುತ್ತಾ 60-70 ಕಿ.ಮೀ ದೂರ ಕ್ರಮಿಸುತ್ತಿತ್ತು ಎಂದು ತಿಳಿದು ಬಂದಿದೆ. ಒಂದೇ ಸ್ಥಳದಲ್ಲಿ ಹೆಚ್ಚು ಹೊತ್ತು ಕಳೆಯುತ್ತಿರಲಿಲ್ಲ ಎಂದು ವರದಿಯಾಗಿದೆ.
ಸದ್ಯ ಭೋಗೇಶ್ವರನ ಸಾವಿಗೆ ಪ್ರಾಣಿ ಪ್ರಿಯರು ಸಂತಾಪ ಸೂಚಿಸಿದ್ದು ಆ ದೇವರು ಸದ್ಗತಿ ಕರುಣಿಸಲಿ ಎಂದು ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಾರ್ಥಿಸಿದ್ದಾರೆ.