ಸಿದ್ದರಾಮಯ್ಯ ಕುರ್ಚಿನಾ ಯಾರಾದ್ರೂ ಮುಟ್ಟಕ್ಕೆ ಸಾಧ್ಯನಾ: ಜಮೀರ್ ಅಹ್ಮದ್

ಬೆಂಗಳೂರು: ಸಿಎಂ ಬದಲಾವಣೆ ಕುರಿತಾದ ಚರ್ಚೆಗಳ ಬಗ್ಗೆ ಪ್ರತಿಕ್ರಿಯಿಸಿರುವ ಸಚಿವ ಜಮೀರ್ ಅಹ್ಮದ್, ಸಿದ್ದರಾಮಯ್ಯ ಕುರ್ಚಿನಾ ಯಾರಾದ್ರೂ ಮುಟ್ಟಕ್ಕೆ ಸಾಧ್ಯನಾ ಎಂದಿದ್ದಾರೆ.

ಒಂದೆಡೆ ದಲಿತ ಸಮುದಾಯ ಕೂಗು, ಇನ್ನೊಂದೆಡೆ ಸಿಎಂ ಬದಲಾವಣೆಯಾಗಬೇಕು, ಕೆಪಿಸಿಸಿ ಅಧ್ಯಕ್ಷರ ಬದಲಾವಣೆಯಾಗಬೇಕು ಎಂದು ಕಾಂಗ್ರೆಸ್ ನಾಯಕರೇ ಹೇಳಿಕೆ ನೀಡುತ್ತಿದ್ದಾರೆ. ಈ ಬಗ್ಗೆ ಮಾಧ್ಯಮಗಳು ಪ್ರಶ್ನಿಸಿದಾಗ ಜಮೀರ್ ಈ ರೀತಿ ಹೇಳಿದ್ದಾರೆ.

‘ನೋಡ್ರೀ ನಮ್ಮ ಪಕ್ಷದಲ್ಲಿ ಸಿಎಂ ಕುರ್ಚಿಯಲ್ಲಿ ಸಿದ್ದರಾಮಯ್ಯ ಇದ್ದಾರೆ. ಕೆಪಿಸಿಸಿ ಅಧ್ಯಕ್ಷರ ಕುರ್ಚಿಯಲ್ಲಿ ಡಿಕೆ ಶಿವಕುಮಾರ್ ಇದ್ದಾರೆ. ಎರಡೂ ಕುರ್ಚಿ ಸದ್ಯಕ್ಕೆ ಖಾಲಿಯಿಲ್ಲ. ಖಾಲಿಯಿದ್ದರೆ ತಾನೇ ಈ ಚರ್ಚೆಗಳೆಲ್ಲಾ’ ಎಂದು ಪ್ರಶ್ನಿಸಿದ್ದಾರೆ.

ಬಳಿಕ ಮಾತನಾಡಿದ ಅವರು ‘ಸಿದ್ದರಾಮಯ್ಯ ಕುರ್ಚಿನಾ ಯಾರಾದ್ರೂ ಮುಟ್ಟಕ್ಕೆ ಸಾಧ್ಯ ಏನ್ರೀ? ಅವರೊಂಥರಾ ಬೆಂಕಿ ಇದ್ದಂಗೆ. ನಾವೆಲ್ಲಾ ಸಿದ್ದರಾಮಯ್ಯನ ಟಗರು ಅಂತೀವಿ. ಅವರೊಂಥರಾ ಬೆಂಕಿ ಇದ್ದಂಗೆ. ಬೆಂಕಿ ಮುಟ್ಟಿದರೆ ಏನಾಗುತ್ತದೆ ಹೇಳಿ? ಸುಟ್ಟೋಗ್ತೀವಿ ಅಷ್ಟೇ’ ಎಂದು ಜಮೀರ್ ಹೇಳಿದ್ದಾರೆ.