ಸಿಗ್ನಲ್ ನಲ್ಲಿ ಸಿಕ್ಕವಳ ಜೊತೆ ಮದುವೆಯಾದ ಯುವಕನ ಕತೆ!

ಬೆಂಗಳೂರು: ಬೆಂಗಳೂರು ಟ್ರಾಫಿಕ್ ಬಗ್ಗೆ ಎಷ್ಟೋ ಜೋಕ್ ಕೇಳಿಬರುತ್ತವೆ. ಈಗ ಅಂತಹದ್ದೇ ಒಂದು ಇಂಟ್ರರೆಸ್ಟಿಂಗ್ ವಿಚಾರವನ್ನು ಯುವಕನೊಬ್ಬ ಟ್ವಿಟರ್ ನಲ್ಲಿ ಹಂಚಿಕೊಂಡಿದ್ದು ವೈರಲ್ ಆಗಿದೆ.

ಈಜಿಪುರ ಸಿಗ್ನಲ್ ನಲ್ಲಿ ಯುವಕ ತನ್ನ ಪತ್ನಿಯನ್ನು ಭೇಟಿಯಾಗಿದ್ದ. ಆಗ ಅವರಿಬ್ಬರೂ ಪರಿಚಯಸ್ಥರಾಗಿದ್ದರಷ್ಟೇ. ಸಿಗ್ನಲ್ ನಲ್ಲಿ ಕಾದು ಸುಸ್ತಾಗಿ ಇಬ್ಬರೂ ಡಿನ್ನರ್ ಮುಗಿಸಿಕೊಂಡು ಬಂದಿದ್ದರಂತೆ. ಬಳಿಕ ಇಬ್ಬರ ನಡುವೆ ಪ್ರೇಮಾಂಕುರವಾಗಿ ಮದುವೆಯಾಗಿದ್ದಾರೆ.

ಮದುವೆಯಾಗಿ ಈಗ ಮೂರೂವರೆ ವರ್ಷವಾಗಿದೆ. ಹಾಗಿದ್ದರೂ ಸಿಗ್ನಲ್ ನಲ್ಲಿ ಫ್ಲೈ ಓವರ್ ಕೆಲಸ ಇನ್ನೂ ಮುಗಿದಿಲ್ಲ. ಟ್ರಾಫಿಕ್ ಕೂಡಾ ಕಡಿಮೆಯಾಗಿಲ್ಲ ಎಂದು ಯುವಕ ತಮಾಷೆಯಾಗಿ ಬರೆದುಕೊಂಡಿದ್ದಾನೆ.