ನಿಮ್ಮ ಅಂಚೆ ಜೀವ ವಿಮೆ ರಿನಿವಲ್ ಗೆ ಅವಕಾಶ

ಲಾಕ್ ಡೌನ್ ಸಮಯದಲ್ಲಿ ಅಂಚೆ ಕಚೇರಿ ಗ್ರಾಹಕರ ಜೀವ ವಿಮೆ ಪುನರುಜ್ಜೀವನಗೊಳಿಸಲು ಅವಕಾಶ ಕಲ್ಪಿಸಿದೆ.

ಅಂಚೆ ಜೀವ ವಿಮಾ ನಿಯಮ 2011 ರ ತಿದ್ದುಪಡಿ ಪ್ರಕಾರ, ಪಾಲಿಸಿಗಳು 5 ವರ್ಷಕ್ಕಿಂತ ಹೆಚ್ಚು ಕಾಲ ಪ್ರೀಮಿಯಂ ಕಟ್ಟದೇ ಇದ್ದ ಪಕ್ಷದಲ್ಲಿ ಆ ಪಾಲಿಸಿಯನ್ನು ಪುನರುಜ್ಜೀವನಗೊಳಿಸಲು ಮೇ 31 ರ ನಂತರ ಯಾವುದೇ ಅವಕಾಶಗಳಿರುವುದಿಲ್ಲ.

5 ವರ್ಷಕ್ಕಿಂತ ಜಾಸ್ತಿ ಸಮಯ ಕಟ್ಟದೇ ಇರುವ ಪಾಲಿಸಿಗಳನ್ನು ಪುನರುಜ್ಜೀವನಗೊಳಿಸಲು , ಮೇ 31 ರ ಒಳಗಾಗಿ ಉತ್ತಮ ಆರೋಗ್ಯದ ಆರೋಗ್ಯ ಪತ್ರವನ್ನು ಹತ್ತಿರದ ಅಂಚೆ ಕಚೇರಿಯಲ್ಲಿ ನೀಡಬೇಕು. ಆ ಮೂಲಕ ಪಾಲಿಸಿಯ ಸೌಲಭ್ಯವನ್ನು ಪಡೆಯಬಹುದು.

ಇಲ್ಲದಿದ್ದಲ್ಲಿ ಮೇ 31 ರ ನಂತರ ಇಂತಹ ಪಾಲಿಸಿಗಳು ರದ್ದುಗೊಳ್ಳುತ್ತವೆ ಎಂದು ಉಡುಪಿ ಅಂಚೆ ವಿಭಾಗದ ಅಂಚೆ ಅಧೀಕ್ಷಕರ ಕಚೇರಿ ತಿಳಿಸಿದೆ.