ಕೃಷ್ಣೇಗೌಡರ ಬಿಜೆಪಿ ನಾಮಪತ್ರ ತಿರಸ್ಕೃತ

ಹಾಸನ ಜಿಲ್ಲೆಯ ಅರಕಲಗೂಡು ವಿಧಾನಸಭಾ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಕೃಷ್ಣೇಗೌಡ ನಾಮಪತ್ರ ತಿರಸ್ಕಾರವಾಗಿದೆ. ಕೃಷ್ಣೇಗೌಡ ಕಾಂಗ್ರೆಸ್ ಟಿಕೆಟ್ ಆಕಾಂಕ್ಷಿಯಾಗಿದ್ದು, ಕೃಷ್ಣೇಗೌಡರ ಬದಲಾಗಿ ಶ್ರೀಧರ್ ಗೌಡ​​ಗೆ ಕಾಂಗ್ರೆಸ್​​​ ಟಿಕೆಟ್ ಘೋಷಣೆ ಮಾಡಿತ್ತು.. ಈ ಬೆನ್ನಲ್ಲೇ ಕೃಷ್ಣೇಗೌಡ ಕಾಂಗ್ರೆಸ್​​​ ಮೇಲೆ ಬಂಡಾಯವೆದ್ದು, ಬಿಜೆಪಿಯಿಂದ ನಾಮಪತ್ರ ಸಲ್ಲಿಸಿದ್ರು.. ಕೃಷ್ಣೇಗೌಡ ಬಿಜೆಪಿ ಅಭ್ಯರ್ಥಿಯಾಗಿ ಕಡೇ ಕ್ಷಣದಲ್ಲಿ ನಾಮಪತ್ರ ಸಲ್ಲಿಸಿದ್ರು.. ನಿನ್ನೆ ಬಿಜೆಪಿಯಿಂದ ನಾಮಪತ್ರ ಸಲ್ಲಿಸಿ ಟ್ವಿಸ್ಟ್ ನೀಡಿದ್ದ ಕೃಷ್ಣೇಗೌಡರ ನಾಮಪತ್ರವನ್ನು ಚುನಾವಣಾ ಆಯೋಗ ತಿರಸ್ಕರಿಸಿದೆ. ನಾಮಪತ್ರದಲ್ಲಿ ತಾಂತ್ರಿಕ ದೋಷ ಹಿನ್ನೆಲೆ ಕೃಷ್ಣೇಗೌಡರ ನಾಮಪತ್ರ ತಿರಸ್ಕರಿಸಲಾಗಿದೆ. ಈ ಕುರಿತು ಅಧಿಕೃತ ಘೋಷಣೆ ಹೊರಬೀಳಬೇಕಿದೆ.