ಖಾಕಿ ಪಡೆಗೆ ಆತ್ಮಗಳ ಕಾಟ

ಕಳ್ಳರು ಇದ್ದಲ್ಲಿ ತೆರಳಿ ಕಾರ್ಯಾಚರಣೆಯನ್ನು ಪೊಲೀಸರು ನಡೆಸಿದ್ರೆ, ಇಲ್ಲಿ ಪೊಲೀಸ್ ಠಾಣೆಗೆ ಆತ್ಮಗಳು ಬರ್ತಿರೋ ಘಟನೆ ನಡೆಯುತ್ತಿದೆ.

ಪೊಲೀಸ್ ಠಾಣೆಗೆ ಬರುತ್ತಿರುವ ಆತ್ಮಗಳು ಚಿತ್ರಣ ಸಿಸಿ ಟಿವಿಯಲ್ಲಿ ಸೆರೆ ಆಗಿದೆ. ಭಯಾನಕ ದೃಶ್ಯಗಳನ್ನು ಕಂಡ ಪೊಲೀಸರಿಗೆ ಬೆವರುವಂತಾಗಿದೆ.

ಕಳ್ಳಂಬೆಳ್ಳ ಪೊಲೀಸ್  ಠಾಣೆಯಲ್ಲಿ ವಿಚಿತ್ರ ಘಟನೆ ನಡೆದಿದೆ. ಠಾಣೆಯ ಮುಂಭಾಗ ಬಾಗಿಲು ಬಳಿ ಬಂದು ಹೋಗುತ್ತಿರುವ ಆತ್ಮಗಳು ಚಿತ್ರಣ ಕಂಡುಬಂದಿದೆ. ರಾಷ್ಟ್ರೀಯ ಹೆದ್ದಾರಿ 4 ರ ಪಕ್ಕದಲ್ಲೇ ಇರೋ ಪೊಲೀಸ್ ಠಾಣೆ ಇದಾಗಿದೆ.
ತುಮಕೂರು ಜಿಲ್ಲೆ ಶಿರಾ ತಾಲೂಕಿನ ಕಳ್ಳಂಬೆಳ್ಳದಲ್ಲಿನ ಸಿಸಿ ಟಿವಿಯಲ್ಲಿ ಸೆರೆಯಾಗಿರೋ ಆತ್ಮಗಳ ದೃಶ್ಯ ವೈರಲ್ ಆಗಿದೆ.

ರಾಷ್ಟ್ರೀಯ ಹೆದ್ದಾರಿಯಲ್ಲಿ ಅನೇಕ ಭಾರಿ ಅಪಘಾತಗಳು ನಡೆದಿವೆ. ರಸ್ತೆ ಅಪಘಾತ ತಡೆಗಟ್ಟಲು ವಿಶೇಷ ಪೂಜೆ ನಡೆಸಲಾಗಿತ್ತು. ಈ ಹಿಂದೆ ಠಾಣಾಧಿಕಾರಿ, ಸಿಬ್ಬಂದಿಯಿಂದ ಪೂಜಾ ಕಾರ್ಯ ನಡೆದಿತ್ತು. ಪೊಲೀಸರ ಈ ಕಾರ್ಯಕ್ಕೆ ಸಾರ್ವಜನಿಕರಿಂದ ಆಕ್ಷೇಪಣೆ ಕೇಳಿ ಬಂದಿತ್ತು. ಠಾಣೆ ಬಳಿ ಪೂಜೆಗೆ ಅನೇಕರ ವಿರೋಧ ಕೂಡ ವ್ಯಕ್ತವಾಗಿತ್ತು.

ಪೊಲೀಸರ ವಿರುದ್ಧ ಕ್ರಮಕ್ಕೆ ಒತ್ತಾಯ ಕೂಡ ಮಾಡಲಾಗಿತ್ತು. ಮೌಢ್ಯತೆ ಬಿತ್ತಲು ಹೊರಟಿರುವ ಪೊಲೀಸರು ಎಂದು ಆಕ್ಷೇಪಿಸಲಾಗಿತ್ತು. ಆದರೆ ಈಗ ಆತ್ಮಗಳ ವಿಡಿಯೋ ವೈರಲ್ ಆಗಿದೆ.