Karnataka Weather: ಬೆಂಗಳೂರಿನಲ್ಲಿ ಚಳಿ ನಡುವೆ ಇಂದು ಮಳೆ ಇರುತ್ತಾ, ಇಲ್ಲಿದೆ ಹವಾಮಾನ ಅಪ್ಡೇಟ್‌

ಬೆಂಗಳೂರು: ರಾಜ್ಯದಲ್ಲಿ ಚಳಿಯ ಜತೆಗೆ ಇದೀಗ ವರುಣನ ಆಗಮನವೂ ಜನರಿಗೆ ಮತ್ತಷ್ಟು ಚಳಿಯನ್ನು ಹೆಚ್ಚಿಸಿದೆ. ನಿನ್ನೆಯೂ ರಾಜ್ಯದ ಹಲವೆಡೆ ಮಳೆಯಾಗಿದ್ದು, ಇನ್ನೂ ಬೆಂಗಳೂರಿನಲ್ಲಿ ಚಳಿಯ ತೀವ್ರತೆ ಹೆಚ್ಚುತ್ತಿದೆ. ಇದೀಗ ರಾಜ್ಯದಲ್ಲಿ ಆಗುತ್ತಿರುವ ಹವಾಮಾನ ಏರುಪೇರಿಗೆ ಬಂಗಾಳಕೊಲ್ಲಿಯಲ್ಲಿ ಉಂಟಾಗಿರುವ ವಾಯುಭಾರ ಕುಸಿತ ಎನ್ನಲಾಗಿದೆ. 

ಇಂದಿನ ಭಾರತೀಯ ಹವಾಮಾನ ಇಲಾಖೆ ಮುನ್ಸೂಚನೆ ಪ್ರಕಾರ ಬೆಂಗಳೂರು ಸೇರಿದಂತೆ ದಕ್ಷಿಣ ಒಳನಾಡಿನ ಹಲವು ಕಡೆ ಸಾಧಾರಣ ಮಳೆಯಾಗುವ ಸಾಧ್ಯತೆ ಇದೆ.

ಇಂದು ಸಿಲಿಕಾನ್ ಸಿಟಿ ಬೆಂಗಳೂರಿನಲ್ಲಿ ಮುಂದಿನ 24 ಗಂಟೆಗಳ ಕಾಲ ಮೋಡ ಕವಿದ ವಾತಾವರಣ ಇರಲಿದೆ.

    ಬೆಳಿಗ್ಗೆ: ದಟ್ಟ ಮಂಜು ಬೀಳುವ ಸಾಧ್ಯತೆ ಹೆಚ್ಚು.
    ತಾಪಮಾನ: ಗರಿಷ್ಠ 25°C ಮತ್ತು ಕನಿಷ್ಠ 18°C ಇರಲಿದೆ.
    ಮಳೆ: ಸಂಜೆ ಅಥವಾ ರಾತ್ರಿ ವೇಳೆಗೆ ಸಾಧಾರಣ ಮಳೆಯಾಗಬಹುದು.