‘ಕೈ’ ಮತ್ತು ಕಮಲ ಬೆಂಬಲಿಗರ ಜಟಾಪಟಿ

ಚುನಾವಣೆ ಘೋಷಣೆಗೂ ಮುನ್ನವೇ BJP, ಕಾಂಗ್ರೆಸ್​ ಕಾರ್ಯಕರ್ತರು, ಟಿಕೆಟ್​ ಆಕಾಂಕ್ಷಿಗಳು ಪ್ರಚಾರ ಆರಂಭಿಸಿದ್ದಾರೆ.. ಹೀಗೆ ಕಲಬುರಗಿಯಲ್ಲಿ ಕಾಂಗ್ರೆಸ್​​​ ಶಾಸಕಿ ಖನೀಜ್​​​​ ಫಾತೀಮಾ ಪ್ರಚಾರಕ್ಕೆ ತೆರಳಿದ್ದ ವೇಳೆ, ಶಾಸಕಿ ಖನೀಫ್​​ ಫಾತೀಮಾ ಬೆಂಬಲಿಗರು ಮತ್ತು BJP ಟಿಕೆಟ್​ ಆಕಾಂಕ್ಷಿ ಚಂದು ಪಾಟೀಲ್​​ ಬೆಂಬಲಿಗರ ನಡುವೆ ವಾಗ್ಯುದ್ಧ ನಡೆದಿದೆ. ಕಲಬುರಗಿ ನಗರದ ಫಿಲ್ಟರ್ ಬೆಡ್ ಬಡಾವಣೆಯಲ್ಲಿ ಈ ಘಟನೆ ನಡೆದಿದೆ.. ಶಾಸಕಿ ಖನೀಜ್ ಫಾತಿಮಾ ಪಕ್ಷದ ಗ್ಯಾರಂಟಿ ಕಾರ್ಡ್​​ ವಿತರಿಸಿ, ಮತಯಾಚನೆಗೆ ತೊಡಗಿದ್ದರು..ಇದು ಗ್ಯಾರಂಟಿ ಅಲ್ಲದ ಕಾರ್ಡ್, ಭರವಸೆ ಈಡೇರಿಕೆಗೆ ದಿನಾಂಕ ನಿಗದಿಯಿಲ್ಲ ಎಂದು BJP ಕಾರ್ಯಕರ್ತರು ತಕರಾರು ತೆಗೆದಿದ್ದರು.. ನಂತರ ಎರಡೂ ಪಕ್ಷಗಳ ಕಾರ್ಯಕರ್ತರ ನಡುವೆ ತೀವ್ರ ವಾಗ್ವಾದ ನಡೆದು, ಕೆಲ ಕಾಲ ಬಿಗುವಿನ ವಾತಾವರಣ ನಿರ್ಮಾಣವಾಗಿತ್ತು.. ಶಾಸಕಿ ಖನೀಜ್​​ ಫಾತಿಮಾ ಪುತ್ರ ಫರ್ಜುಲ್ ಇಸ್ಲಾಂ ಮತ್ತು BJP ಕಾರ್ಯಕರ್ತರ ನಡುವೆ ತೀವ್ರ ಜಟಾಪಟಿ ನಡೆಯಿತು. ಬಳಿಕ ಪೊಲೀಸರ ಮಧ್ಯಸ್ಥಿಕೆಯಲ್ಲಿ ಗಲಾಟೆ ಶಾಂತಗೊಂಡಿದೆ