ಆದಾಯ ಪ್ರಮಾಣ ಪತ್ರ ಪಡೆಯಲು ನಿಮಗೆ ಈ ದಾಖಲೆಗಳು ಬೇಕು

ಬೆಂಗಳೂರು: ಶಿಕ್ಷಣ, ಸರ್ಕಾರೀ ಯೋಜನೆಗಳ ಫಲಾನುಭವಿಗಳಾಗಲು ಆದಾಯ ಪ್ರಮಾಣ ಪತ್ರ ಬೇಕಾಗುತ್ತದೆ. ಇದು ನಿಮ್ಮ ವಾರ್ಷಿಕ ಆದಾಯವೆಷ್ಟು ಎಂದು ದೃಢೀಕರಿಸುವ ಪ್ರಮಾಣ ಪತ್ರವಾಗಿದೆ. ಇದನ್ನು ಪಡೆಯುವುದು ಹೇಗೆ, ಯಾವುದೆಲ್ಲಾ ದಾಖಲೆಗಳು ಬೇಕಾಗುತ್ತವೆ ಎಂದು ನೋಡೋಣ.

ಭಾರತೀಯ ನಾಗರಿಕರಿಗೆ ವಾರ್ಷಿಕವಾಗಿ ಅವರ ಸಂಪಾದನೆಗೆ ತಕ್ಕುದಾಗಿ ಎಷ್ಟು ಆದಾಯವಿದೆ ಎಂದು ಪ್ರಮಾಣೀಕರಿಸಿ ನೀಡಲಾಗುವ ದಾಖಲೆ ಪತ್ರ ಆದಾಯ ಪತ್ರವಾಗಿದೆ. ಎಲ್ಲಾ ರೀತಿಯ ಸಬ್ಸಿಡಿ ಯೋಜನೆಗಳು, ಸರ್ಕಾರೀ ಯೋಜನೆಗಳ ಫಲ ಪಡೆಯಲು ಆದಾಯ ಪ್ರಮಾಣ ಪತ್ರ ಬೇಕಾಗುತ್ತದೆ.

ಯಾವೆಲ್ಲಾ ದಾಖಲೆಗಳು ಬೇಕು
ಅಡ್ರೆಸ್ ಪ್ರೂಫ್
ಕಳೆದ ಒಂದು ವರ್ಷಗಳ ಬ್ಯಾಂಕ್ ವ್ಯವಹಾರದ ದಾಖಲೆ
ಎಪಿಕ್ ಸರ್ಟಿಫಿಕೇಷನ್
ಐಡಿ ಪ್ರೂಫ್
ರೇಷನ್ ಕಾರ್ಡ್
ಸ್ಯಾಲರಿ ಸರ್ಟಿಫಿಕೇಟ್ ಸ್ವಯಂ ದೃಢೀಕರಣ ಪತ್ರ
ಅರ್ಜಿ ಶುಲ್ಕ: 25
ಭಾರತೀಯ ನಾಗರಿಕರು ಯಾರೇ ಆಗಿದ್ದರೂ ಈ ಪ್ರಮಾಣ ಪತ್ರಕ್ಕೆ ಅರ್ಜಿ ಸಲ್ಲಿಸಬಹುದಾಗಿದೆ.

ಅರ್ಜಿ ಸಲ್ಲಿಸುವುದು ಹೇಗೆ?
ಆದಾಯ ಪ್ರಮಾಣ ಪತ್ರವನ್ನು ಆನ್ ಲೈನ್ ಮೂಲಕ ಸಲ್ಲಿಸಬಹುದಾಗಿದೆ. ಆದಾಯ ಪ್ರಮಾಣ ಪತ್ರ ಪಡೆಯಲು https://sevasindhuservices.karnataka.gov.in/loginWindow.do ಎಂಬ ವೆಬ್ ಸೈಟ್ ಗೆ ಲಾಗಿನ್ ಆಗಿ. ಅದರಲ್ಲಿ ನಿಮ್ಮ ಮೊಬೈಲ್ ನಂಬರ್, ಒಟಿಪಿ ಪಡೆದುಕೊಂಡು ಲಾಗಿನ್ ಆಗಿ ಅರ್ಜಿ ಸಲ್ಲಿಸಬಹುದು.