ರೆಸಾರ್ಟ್ ಗೆ ಕರೆಯುವ ಚಾಲಾಕಿ ಹುಡುಗಿಯರಿಂದ ಹನಿಟ್ರ್ಯಾಪ್

ಯುವತಿಯರಿಬ್ಬರು ಸೇರಿಕೊಂಡು ಹನಿಟ್ರ್ಯಾಪ್ ಮಾಡುತ್ತಿದ್ದ ಜಾಲವನ್ನು ಪೊಲೀಸರು ಪತ್ತೆ ಮಾಡಿದ್ದಾರೆ. 

ಮಂಗಳೂರಿನ ಉಪ್ಪಿನಂಗಡಿ ರೆಸಾರ್ಟ್ ವೊಂದಕ್ಕೆ ಹುಡುಗಿಯರಿಬ್ಬರು ಗಿರಾಕಿ ಹುಡುಗರನ್ನು ಕರೆದುಕೊಂಡು ಹೋಗುತ್ತಿದ್ದರು.

ಆಗ ಹುಡುಗಿಯ ಕಡೆಯವರು ತಾವು ಪೊಲೀಸರು ಅಂತ ಹೇಳಿ ಹುಡುಗಿಯರೊಂದಿಗೆ ಸಿಕ್ಕಿಬಿದ್ದ ಗ್ರಾಹಕರಿಂದ ಹಣ ದೋಚುತ್ತಿದ್ದರು. ಕೇಸ್ ನ ಜಾಡು ಹಿಡಿದು ಹೋದ ಪೊಲೀಸರಿಗೆ ವಿಟ್ಲದ ಶರೀಫ್ ಹಾಗೂ ಕುಶಾಲನಗರದ ಲೋಹಿತ್ ಅನ್ನೋರನ್ನು ಬಂಧನ ಮಾಡಿದ್ದಾರೆ.

ಹನಿಟ್ರ್ಯಾಪ್ ನ ಕಿಂಗ್ ಪಿನ್ ಆಗಿರೋ ಇಬ್ಬರು ಹುಡುಗಿಯರ ಬಂಧನಕ್ಕೆ ಬಲೆ ಬೀಸಿದ್ದಾರೆ. ಹನಿಟ್ರ್ಯಾಪ್ ಗೆ ಒಳಗಾಗಿ ಹಣ ಕಳೆದುಕೊಂಡ ವ್ಯಕ್ತಿಯೊಬ್ಬ ಪೊಲೀಸರಿಗೆ ಮಾಹಿತಿ ನೀಡಿದ್ದನು.