ಯೋಗೇಶ್ವರ್, ಕುಮಾರಸ್ವಾಮಿ ವಿರುದ್ಧ ರೇವಣ್ಣ ಕಿಡಿ

ನಾನು ಪ್ರಚಾರದ ವೇಳೆ ನಗರ ಹಾಗೂ ಗ್ರಾಮಾಂತರ ಪ್ರದೇಶ ಸುತ್ತಿನೋಡಿದಾಗ ಎಲ್ಲವೂ ನನ್ನ ಗಮನಕ್ಕೆ ಬಂದಿದೆ, ಈ ಭಾಗದ ಶಾಸಕರಾದ ಯೋಗೇಶ್ವರ್ ಅವರು ಕ್ಷೇತ್ರದ ಅಭಿವೃದ್ಧಿಗಿಂತ ತಮ್ಮ ಅಭಿವೃದ್ಧಿಯಾಗಿದ್ದಾರೆಂದು ಚನ್ನಪಟ್ಟಣ ಕ್ಷೇತ್ರದ ಕಾಂಗ್ರೆಸ್ ಅಭ್ಯರ್ಥಿ ಹೆಚ್.ಎಂ.ರೇವಣ್ಣ ಸುದ್ದಿಗೋಷ್ಟಿಯಲ್ಲಿ ತಿಳಿಸಿದ್ರು, 

ಚನ್ನಪಟ್ಟಣ ನಗರದ ತಮ್ಮ ಸ್ವಗೃಹದಲ್ಲಿ ಸುದ್ದಿಗೋಷ್ಟಿ ನಡೆಸಿದ ಅವರು, ಯೋಗೇಶ್ವರ್ ಹಾಗೂ ಕುಮಾರಸ್ವಾಮಿ ವಿರುದ್ಧ ಕಿಡಿಕಾರಿದರು. ಯೋಗೇಶ್ವರ್ ಚುನಾವಣಾ ಪ್ರಚಾರಕ್ಕೆ ಹೋದಾಗ ಕ್ಷೇತ್ರದ ಹಲವು ಗ್ರಾಮಗಳಲ್ಲಿ ಜನರು ಘೇರಾವ್ ಹಾಕಿದ್ದಾರೆ.

ನಾನು ಅವರನ್ನ ಸೌಜನ್ಯದಿಂದ‌ ಪ್ರಚಾರದ ವೇಳೆ ಸಿಕ್ಕಾಗ ಮಾತನಾಡಿಸಿದ್ದೆ, ಅದನ್ನ ಅವರು ನನಗೆ ಆಶ್ರೀರ್ವಾದ ಮಾಡಿದ್ದಾರೆ ಅಂತಾರೆ. ನೀನು ಗೆಲ್ಲು ಅಂತಾ ಹೇಳಿದ್ದಾರೆ ಅಂತಾ ವಾಟ್ಸ್ ಆ್ಯಪ್ ನಲ್ಲಿ ಹರಿಬಿಡ್ತಾರೆ, ಅದು ಅವರ ಕೀಳು ಮಟ್ಟದ ರಾಜಕಾರವನ್ನು ತೋರಿಸುತ್ತದೆಂದು  ಯೋಗೇಶ್ವರ್ ವಿರುದ್ಧ ಹರಿಹಾಯ್ದರು. 

ಇನ್ನು ಎಷ್ಟಾದರೂ ಅವರು ಸಿನಿಮಾದಿಂದ ಬಂದವರು ಅಲ್ವ ಎಂದು ಯೋಗೇಶ್ವರ್‌ಗೆ ಲೇವಡಿ ಮಾಡಿದ್ರು ಹಾಗೇ ಕುಮಾರಸ್ವಾಮಿ ಅವರು ತಮ್ಮ ಮನೆಯಲ್ಲಿದ್ದ ಗೊಂದಲದ ನಿವಾರಣೆಗಾಗಿ ಚನ್ನಪಟ್ಟಣದಲ್ಲಿ ಸ್ಪರ್ಧೆಗೆ ಬಂದಿದ್ದಾರೆ  ಅಷ್ಟೇ.ಪ್ರಜ್ವಲ್ ಹಾಗೂ ಅನಿತಾ ಕುಮಾರಸ್ವಾಮಿ ನಡುವಿನ ಗೊಂದಲದ ನಿವಾರಣೆಗೆ ಎರಡು ಕಡೆ ಸ್ಪರ್ಧೆ ಮಾಡಲು ನಿರ್ಧಾರ ಮಾಡಿದ್ದಾರೆ.

ಆದರೆ,ಸಿದ್ದರಾಮಯ್ಯನವರ ಸರ್ಕಾರದ ಸಾಧನೆಗಳು ಜನತೆಯ ಮನವನ್ನು ಮುಟ್ಟಿದೆ, ನನ್ನ ಗೆಲುವು ಈ ಕ್ಷೇತ್ರದಲ್ಲಿ ನಿಶ್ಚಿತ, ಎಂದು ವಿಶ್ವಾಸ ವ್ಯಕ್ತಪಡಿಸಿದ್ರು,