ಪಿಡಿಒನನ್ನು ಥಳಿಸಿದ ಗ್ರಾಮ‌ ಪಂಚಾಯತ್ ಮಹಿಳಾ ಸದಸ್ಯರು!

ಪಿಡಿಒ ಮೇಲೆ ಗ್ರಾಮ ಪಂಚಾಯಿತಿ ಮಹಿಳಾ ಸದಸ್ಯೆಯರು ಹಲ್ಲೆ ನಡೆಸಿರುವ ಘಟನೆ ನಡೆದಿದೆ.

ಚಿಕ್ಕಮಗಳೂರು ಜಿಲ್ಲೆ ಕಡೂರು ತಾಲೂಕಿನ ಸೋಮನಹಳ್ಳಿ ಗ್ರಾಮ‌ ಪಂಚಾಯತ್ ನಲ್ಲಿ ಘಟನೆ ನಡೆದಿದೆ. ಗ್ರಾಮ‌ ಪಂಚಾಯತ್ ಪ್ರಭಾರ ಪಿಡಿಒ ಜಯಪ್ಪ ಮೇಲೆ ಹಲ್ಲೆ ನಡೆಸಲಾಗಿದೆ. ವಸತಿ ಯೋಜನೆ ಅನುದಾನ ವಿಚಾರ ಸಂಬಂಧ ಹಲ್ಲೆ ಮಾಡಲಾಗಿದೆ.

ಗ್ರಾಮ ಪಂಚಾಯತ್ ಕಚೇರಿಯಲ್ಲಿಯೇ ಪಿಡಿಒ‌ ಶರ್ಟ್  ಕಾಲರ್ ಹಿಡಿದು ಎಳೆದಾಡಿದ್ದಾರೆ ಮಹಿಳಾ ಸದಸ್ಯರಾದ
ಲಲಿತಾ, ನಾಗಮ್ಮ ಎಂಬುವರು. ಶರ್ಟ್ ಕಾಲರ್ ಹಿಡಿದು ಹಲ್ಲೆ‌ಮಾಡಲು ಮುಂದಾದ ವೀಡಿಯೋ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.
ಗ್ರಾಮ‌ ಪಂಚಾಯತ್ ಕಚೇರಿಯಿಂದ ಹೊರ ಬಂದ ಕೂಡಲೇ ಮಹಿಳಾ ಸದಸ್ಯರ ಗಂಡಂದಿರಿಂದಲೂ ಹಲ್ಲೆ ನಡೆಸಲಾಗಿದೆ ಎಂಬ ಆರೋಪ ಕೇಳಿಬಂದಿದೆ.

ಮಹಿಳಾ ಸದಸ್ಯರ ಗಂಡಂದಿರಾದ ಅಣ್ಣಪ್ಪ ನಾಯ್ಕ್, ಪಾಂಡು ಎಂಬುವರಿಂದ ಹಲ್ಲೆ ನಡೆದಿದೆ. ಹಲ್ಲೆಗೊಳಗಾದ ಪಿಡಿಒ ಜಯಪ್ಪ ಕಡೂರು ಸರ್ಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆಗೆ ದಾಖಲಾಗಿದ್ದಾರೆ. ಪ್ರಕರಣ ಸಂಬಂಧ ಐದು ಜನರನ್ನು ವಶಕ್ಕೆ ಪಡೆದ ಪೊಲೀಸರು ವಿಚಾರಣೆ ನಡೆಸುತ್ತಿದ್ದಾರೆ. ಸಿಂಗಟಗೆರೆ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.