ಡಿಸಿಎಂ ಸ್ಥಾನ ಸಿಗುತ್ತೆ : ಭವಿಷ್ಯ ನುಡಿದ ಶ್ರೀರಾಮುಲು

ಆರೋಗ್ಯ ಇಲಾಖೆ ಸಚಿವ ಸ್ಥಾನದ ಬದಲು ಸಮಾಜ ಕಲ್ಯಾಣ ಇಲಾಖೆಯ ಹೊಣೆ ಹೊತ್ತಿರುವ ಬಿ.ಶ್ರೀರಾಮುಲು ತಮಗೆ ಡಿಸಿಎಂ ಸ್ಥಾನ ಸಿಗುತ್ತೆ ಎಂದು ಭವಿಷ್ಯ ನುಡಿದಿದ್ದಾರೆ.

ಪಕ್ಷಕ್ಕಾಗಿ ತಾವು ಶ್ರದ್ಧೆಯಿಂದ ಕೆಲಸ ಮಾಡುತ್ತಿರುವುದಾಗಿ ಹೇಳಿರುವ ಸಚಿವ ಬಿ.ಶ್ರೀರಾಮುಲು, ಒಂದಷ್ಟು ತಾಳ್ಮೆ ಇದ್ದಲ್ಲಿ ಮುಂಬರುವ ದಿನಗಳಲ್ಲಿ ಡಿಸಿಎಂ ಹುದ್ದೆ ದೊರೆಯಬಲ್ಲದು ಎಂದಿದ್ದಾರೆ.

ಮತದಾರರು, ಅಭಿಮಾನಿಗಳು ತಮ್ಮನ್ನು ಡಿಸಿಎಂ ಸ್ಥಾನದಲ್ಲಿ ನೋಡಲು ಬಯಸಿದ್ದಾರೆ. ಆದರೆ ಡಿಸಿಎಂ ಆಗಲೇಬೇಕು ಎಂಬುದು ತಮ್ಮ ಬೇಡಿಕೆ ಅಲ್ಲ ಎಂದು ಹೇಳಿದ್ದಾರೆ.

ದೇವರ ಆಶೀರ್ವಾದ ಕಾರಣದಿಂದ ಡಿಸಿಎಂ ಹುದ್ದೆ ಬರಬಹುದು ಎಂಬ ಆಶಾಭಾವನೆಯನ್ನು ಸಚಿವ ಶ್ರೀರಾಮುಲು ವ್ಯಕ್ತಪಡಿಸಿದ್ದಾರೆ.