ನಿದ್ರೆ ಮಾತ್ರೆ ಕೊಟ್ಟು ಮಗಳ ಮೇಲೆ ಅತ್ಯಾಚಾರವೆಸಗಿದ ಪಾಪಿ ತಂದೆ

ಬೆಂಗಳೂರು: ಮಗಳಿಗೆ ನಿದ್ರೆ ಮಾತ್ರೆ ಕೊಟ್ಟು ಪಾಪಿ ತಂದೆಯೊಬ್ಬ ಅತ್ಯಾಚಾರವೆಸಗಿದ ಘಟನೆ ಬೆಂಗಳೂರಿನ ಹರಳೂರಿನಲ್ಲಿ ನಡೆದಿದೆ.

ಶೀತ ಬಾಧಿತೆಯಾಗಿದ್ದ 19 ವರ್ಷದ ಪುತ್ರಿಗೆ ಶೀತದ ಮಾತ್ರೆ ಕೊಡುವುದಾಗಿ ನಂಬಿಸಿ ತಂದೆ ನಿದ್ರೆ ಮಾತ್ರೆ ನೀಡಿದ್ದ. ಬಳಿಕ ಆಕೆಯನ್ನು ನಿದ್ರೆಯ ಮಂಪರಿನಲ್ಲಿ ಸೆಕ್ಸ್ ಮಾಡಿದ್ದಾನೆ.

ಆಕೆಯ ತಾಯಿ ತೀರಿಕೊಂಡಿದ್ದು ತಂದೆ ಎರಡನೇ ಮದುವೆಯಾಗಿದ್ದ. ಆದರೆ ಈ ಘಟನೆ ಬಗ್ಗೆ ಮಲತಾಯಿಗೆ ತಿಳಿಸಿದರೂ ಆಕೆ ಕ್ಯಾರೇ ಎಂದಿರಲಿಲ್ಲ. ಇದರಿಂದ ಬೇಸತ್ತ ಆಕೆ ಟಾಯ್ಲೆಟ್ ಕ್ಲೀನರ್ ಸೇವಿಸಿ ಪೊಲೀಸ್ ಠಾಣೆಗೆ ತೆರಳಿ ತಂದೆಯ ಹೀನಕೃತ್ಯದ ಬಗ್ಗೆ ವಿವರಿಸಿದ್ದಳು. ಈ ವೇಳೆ ತೀವ್ರ ಅಸ್ವಸ್ಥಳಾದ ಆಕೆ ಕುಸಿದು ಬಿದ್ದಳು. ತಕ್ಷಣವೇ ಆಕೆಯನ್ನು ಆಸ್ಪತ್ರೆಗೆ ದಾಖಲಿಸಿದ ಪೊಲೀಸರು ಪಾಪಿ ತಂದೆಯನ್ನು ಬಂಧಿಸಿದ್ದಾರೆ.