ಯಾವ ಬಂಡಾಯಕ್ಕೆ ಹೆದರಬೇಡಿ : ಬೊಮ್ಮಾಯಿಗೆ ಹೈಕಮಾಂಡ್ ಭರವಸೆ

ಬೆಂಗಳೂರು : “ಬಂಡಾಯಕ್ಕೆ ಬೆದರಬೇಡಿ, ಅತೃಪ್ತರನ್ನು ನಾವು ನೋಡಿಕೊಳ್ಳುತ್ತೇವೆ”- ಇದು ಬಿಜೆಪಿ ಹೈಕಮಾಂಡ್ ಸಿಎಂ ಬಸವರಾಜ ಬೊಮ್ಮಾಯಿ ಅವರಿಗೆ ನೀಡಿದ ಭರವಸೆ.

ಕರ್ನಾಟಕ ಚುನಾವಣೆ ಅಭ್ಯರ್ಥಿಗಳ ಪಟ್ಟಿ ಸಂಬಂಧ ಮಂಗಳವಾರ ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಜೆಪಿ ನಡ್ಡಾ ನಿವಾಸದಲ್ಲಿ ನಡೆದಿತ್ತು. ಈ ವೇಳೆ ಪ್ರಮುಖ ನಾಯಕರನ್ನು ಕೈ ಬಿಡುವ ಪ್ರಸ್ತಾಪ ಬಂದಾಗ ಬೊಮ್ಮಾಯಿ ಬಂಡಾಯದ ಆತಂಕ ವ್ಯಕ್ತಪಡಿಸಿದ್ದರು.

ಈ ಸಂದರ್ಭದಲ್ಲಿ ರಾಜ್ಯ ಬಿಜೆಪಿಯ ಸಹ ಉಸ್ತುವಾರಿ ಮನ್ಸುಖ್ ಮಾಂಡವೀಯ, ಬಂಡಾಯವನ್ನು ನಾವು ನೋಡಿಕೊಳ್ಳುತ್ತೇವೆ. ಗುಜರಾತ್ನಲ್ಲಿ ನಾವು ಈ ಸನ್ನಿವೇಶ ಎದುರಿಸಿಯೂ ಯಶಸ್ವಿಯಾಗಿದ್ದೇವೆ. ಕರ್ನಾಟಕದಲ್ಲೂ ಇದನ್ನು ನಿಭಾಯಿಸೋಣ ಎಂದಿದ್ದಾರೆ. 

ಮಾಂಡವೀಯ ಮಾತನ್ನು ಜೆ.ಪಿ ನಡ್ಡಾ ಬೆಂಬಲಿಸಿದ್ದಾರೆ. ಪ್ರಮುಖ ನಾಯಕರನ್ನು ನಾವು ನಿಭಾಯಿಸುತ್ತೇವೆ. ಉಳಿದವರನ್ನು ನೀವು ನೋಡಿಕೊಳ್ಳಿ. ಪ್ರಮುಖ ನಾಯಕರು ಸುಮ್ಮನಾದರೆ ಉಳಿದವರು ಸುಮ್ಮನಾಗುತ್ತಾರೆ ಎಂದು ಹೈಕಮಾಂಡ್ ನಾಯಕರು ಸಿಎಂಗೆ ಹೇಳಿದ್ದಾರೆ.