ಮನೆಯವರು ಪಾರ್ಟಿ ಮಾಡುತ್ತಿದ್ದಾಗ ಮನೆಕೆಲಸದಾಕೆ ಸಾವು

ಬೆಂಗಳೂರು: ಟೆಕ್ಕಿ ದಂಪತಿಯ ಮನೆಯಲ್ಲಿ ಕೆಲಸ ಮಾಡುತ್ತಿದ್ದ ಮನೆಗೆಲಸದಾಕೆ ನ್ಯೂ ಇಯರ್ ಪಾರ್ಟಿ ಸಂಭ್ರಮದ ನಡುವೆ ಅನುಮಾನಸ್ಪದವಾಗಿ ಸಾವನ್ನಪ್ಪಿದ್ದಾಳೆ.

ಗಂಡ-ಹೆಂಡತಿ ನ್ಯೂ ಇಯರ್ ಪಾರ್ಟಿ ಸಂಭ್ರಮದಲ್ಲಿರುವಾಗ ಇತ್ತ ಮನೆಗೆಲಸ ಮಾಡುತ್ತಿದ್ದ 19 ವರ್ಷದ ಯುವತಿ ನೇಣು ಬಿಗಿದ ಸ್ಥಿತಿಯಲ್ಲಿ ಪತ್ತೆಯಾಗಿದ್ದಾಳೆ.

ಇದು ಆತ್ಮಹತ್ಯೆಯಲ್ಲ, ಕೊಲೆ ಎಂದು ಯುವತಿಯ ಕುಟುಂಬಸ್ಥರು ಆರೋಪಿಸಿದ್ದಾರೆ. ತಮಿಳುನಾಡು ಮೂಲದವಳಾದ ಯುವತಿ ಒಂದು ವರ್ಷದಿಂದ ಈ ಮನೆಯಲ್ಲಿ ಕೆಲಸ ಮಾಡುತ್ತಿದ್ದಳು. ಇದೀಗ ಕುಟುಂಬಸ್ಥರ ದೂರಿನ ಮೇರೆಗೆ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.