ಮಹಿಳೆಯರು ಬೆಡ್ ಶೀಟ್ ನಲ್ಲಿ ತಂದಿರೋದನ್ನು ನೋಡಿ ವೈದ್ಯರು ಹಾಗೂ ಆಸ್ಪತ್ರೆ ಸಿಬ್ಬಂದಿ ದಂಗಾಗಿರೋ ಘಟನೆ ನಡೆದಿದೆ.
ಅಂಬುಲೆನ್ಸ್ ನಲ್ಲಿ ಮೂವರು ಮಹಿಳೆಯರು ಸರಕಾರಿ ಆಸ್ಪತ್ರೆಗೆ ಬಂದಿದ್ದಾರೆ. ಆಗ ಬಾಣಂತಿಯ ಮಗು ಮೃತಪಟ್ಟಿದ್ದು, ಸರಕಾರಿ ಸೌಲಭ್ಯ ಕೊಡಿಸಿ ಅಂತ ವೈದ್ಯರಿಗೆ ಒತ್ತಾಯಿಸಿದ್ದಾರೆ.
ಆದರೆ ಮಹಿಳೆಯರ ನಡೆ ಮೇಲೆ ಅನುಮಾನಗೊಂಡ ವೈದ್ಯರು ಹಾಗೂ ಸಿಬ್ಬಂದಿ ಶಿಶುವಿನ ದೇಹದ ಪರೀಕ್ಷೆ ಮಾಡಬೇಕು ಅಂತ ಹೇಳಿದ್ದಾರೆ. ಆಗ ಮಹಿಳೆಯರು ಬೆಡ್ ಶೀಟ್ ನಲ್ಲಿ ಸುತ್ತಿಕೊಂಡ ತಂದಿದ್ದನ್ನು ಕೊಡಲು ನಿರಾಕರಿಸಿದ್ದಾರೆ.
ಬಲವಂತವಾಗಿ ಬೆಡ್ ಶೀಟ್ ಪಡೆದು ನೋಡಿದಾಗಿ ಅದರಲ್ಲಿ ಶಿಶುವಿನ ಮೃತದೇಹದ ಬದಲಾಗಿ ಹಿಟ್ಟು ತರಲಾಗಿತ್ತು.
ಸರಕಾರದ ಸೌಲಭ್ಯಕ್ಕಾಗಿ ಈ ರೀತಿ ಮಾಡಿದ್ದಾಗಿ ಮಹಿಳೆಯರು ಒಪ್ಪಿಕೊಂಡಿದ್ದು, ಅವರಿಗೆ ವೈದ್ಯರು ಎಚ್ಚರಿಕೆ ನೀಡಿ ಕಳಿಸಿದ್ದಾರೆ.
ಮಧ್ಯಪ್ರದೇಶದ ಕೈಲಾರ ಜಿಲ್ಲೆಯಲ್ಲಿ ಈ ಘಟನೆ ನಡೆದಿದೆ.
