ಪೊಲೀಸ್ ಪೇದೆಗೆ ತಗುಲಿದ ಡೆಡ್ಲಿ ಕೊರೊನಾ

ಪೊಲೀಸ್ ಪೇದೆಯೊಬ್ಬರಿಗೆ ಡೆಡ್ಲಿ ಕೊರೊನಾ ತಗುಲಿದೆ.

ದಾವಣಗೆರೆಯಲ್ಲಿ ಸಂಚಾರಿ  ಪೊಲೀಸ್ ಪೇದೆ ಸೇರಿ ಮೂವರಿಗೆ ಕೊರೊನಾ ಸೋಂಕು ಇರುವುದು ದೃಢಪಟ್ಟಿದೆ.

ರೋಗಿ ಸಂಖ್ಯೆ 852 ರ ಸಂಪರ್ಕದಿಂದ ಒಬ್ಬರಿಗೆ ಮತ್ತು ಕಂಟೈನ್ ಮೆಂಟ್ ಪ್ರದೇಶದಲ್ಲಿ ಕರ್ತವ್ಯ ಸಲ್ಲಿಸಿದ್ದ 34 ವರ್ಷದ ಪೊಲೀಸ್ ಪೇದೆಗೆ ಸೋಂಕು ತಗುಲಿದೆ.

ಪೇದೆಗೆ ಸೋಂಕು ತಗುಲಿರುವುದನ್ನು ದೃಢಪಡಿಸಿರುವ ಜಿಲ್ಲಾ ಪೊಲೀಸ್ ವರಿಷ್ಟಾಧಿಕಾರಿ ಹನುಮಂತರಾಯ, ಕೋವಿಡ್ -19 ಸೋಂಕು ದೃಢಪಟ್ಟಿರುವ ಪೊಲೀಸ್ ಪೇದೆಯ ಸಂಪರ್ಕದಲ್ಲಿದ್ದ ಎಲ್ಲರನ್ನು ಪತ್ತೆ ಹಚ್ಚಿ ಕ್ವಾರಂಟೈನ್ ಮಾಡಲಾಗಿದೆ ಎಂದು ತಿಳಿಸಿದ್ದಾರೆ.

32 ವರ್ಷದ  ಮತ್ತೊಬ್ಬ ಯುವಕ ಐಎಲ್ ಐ ನಿಂದ ಬಳಲುತ್ತಿದ್ದು, ಈತನಲ್ಲೂ ಸೋಂಕು ಇರುವುದು ದೃಢಪಟ್ಟಿದೆ.