ಬೆದರಿಕೆ ಹೆಚ್ಚಾದರೆ ಪೊಲೀಸ್ ಗೆ ದೂರು: ಕೇಮಾರು ಸ್ವಾಮೀಜಿ

ಶೀರೂರು ಶ್ರೀ ನಿಗೂಢ ಸಾವು ಪ್ರಕರಣ ನಡೆಬೇಕೆಂದು ಹಾಗೂ ನಿಷ್ಪಕ್ಷಪಾತ ತನಿಖೆಗೆ ಉಡುಪಿ ಎಸ್ಪಿಗೆ ಮನವಿ ಸಲ್ಲಿಸಿದ್ದೇವೆ ಎಂದು ಕೇಮಾರು ಈಶ ವಿಠಲದಾಸ ಸ್ವಾಮೀಜಿ ಹೇಳಿದ್ದಾರೆ. ನನಗೆ ಬೆದರಿಕೆ ಹೆಚ್ಚಾದರೆ ಪೊಲೀಸ್ ದೂರು ನೀಡುವೆ ಎಂದೂ ತಿಳಿಸಿದ್ದಾರೆ.

ಇತರ ಸ್ವಾಮೀಜಿಗಳ ಜೊತೆ ಸೇರಿ ನ್ಯಾಯಯುತ ತನಿಖೆಗೆ ಆಗ್ರಹ ಮಾಡಿರುವ ಕೇಮಾರು ಶ್ರೀಗಳು, ವೈದ್ಯರು ನೀಡಿದ ವರದಿ ಆಧಾರದಲ್ಲಿ ನಿಗೂಢ ಸಾವಿನ ತನಿಖೆಗೆ ಆಗ್ರಹ ಮಾಡಿದ್ದಾರೆ. ಫೇಸ್ ಬುಕ್, ವಾಟ್ಸಾಪ್ ನಲ್ಲಿ ನನಗೆ ಬೆದರಿಕೆ, ಅಶ್ಲೀಲ ಸಂದೇಶ ಬಂದಿದೆ. ಹೀಗೆ ಬೆದರಿಕೆ ಹೆಚ್ಚಾದರೆ ಪೊಲೀಸ್ ದೂರು ನೀಡುತ್ತೇನೆ ಎಂದು ಎಚ್ಚರಿಸಿದ್ದಾರೆ.

ಶೀರೂರು ಸ್ವಾಮೀಜಿ ಆತ್ಮ ಕಥನ ಬರೆಯಲು ಮುಂದಾಗಿದ್ದರು. ಇದಕ್ಕಾಗಿ ಬೆಂಗಳೂರಿನ ವ್ಯಕ್ತಿಯೊಬ್ಬರನ್ನು ನಿಯೋಜನೆ ಮಾಡಿದ್ದರು ಎಂದು ಕೇಮಾರು ಸ್ವಾಮೀಜಿ ತಿಳಿಸಿದ್ದಾರೆ.