ಬೆಂಗಳೂರಿನ ಹೋಟೆಲ್ ನ ಇಡ್ಲಿ ಈಗ ಟ್ವಿಟರ್ ನಲ್ಲಿ ಟ್ರೆಂಡ್ ಆಯ್ತು!

ಬೆಂಗಳೂರು: ದಕ್ಷಿಣ ಭಾರತೀಯರ ಫೇಮಸ್ ಉಪಹಾರ ಇಡ್ಲಿ. ಈ ಇಡ್ಲಿ ಈಗ ವರ್ಲ್ಡ್ ಫೇಮಸ್ ಆಗಿದೆ. ಅದಕ್ಕೆ ಕಾರಣ ಬೆಂಗಳೂರಿನ ಹೋಟೆಲ್ ಒಂದರ ಕ್ರಿಯೇಟಿವ್ ಐಡಿಯಾ.

ನಗರದ ಹೋಟೆಲ್ ಒಂದರಲ್ಲಿ ಇಡ್ಲಿಯನ್ನು ಐಸ್ ಕ್ರೀಂ ಸ್ಟಿಕ್ ನಲ್ಲಿ ಕೊಡಲಾಗುತ್ತಿದೆ. ಈ ಇಡ್ಲಿ ಫೋಟೋಗಳು ಈಗ ಟ್ವಿಟರ್, ಇನ್ ಸ್ಟಾಗ್ರಾಂ, ವ್ಯಾಟ್ಸಪ್ ಸೇರಿದಂತೆ ಸೋಷಿಯಲ್ ಮೀಡಿಯಾಗಳಲ್ಲಿ ವೈರಲ್ ಆಗಿದೆ.

ಪಕ್ಕಾ ಬಿಳಿ ಐಸ್ ಕ್ರೀಂನಂತೇ ತೋರುವ ಇಡ್ಲಿ ಮಕ್ಕಳನ್ನೂ ಆಕರ್ಷಿಸುವುದರಲ್ಲಿ ಸಂಶಯವಿಲ್ಲ. ಗ್ರಾಹಕರನ್ನು ಸೆಳೆಯಲು ಹೋಟೆಲ್ ಮಾಡಿದ ತಂತ್ರಗಾರಿಕೆ ಈಗ ಎಲ್ಲರ ಗಮನ ಸೆಳೆಯುತ್ತಿದೆ.