ಕೊರೋನಾ ಹೊರತಾದ ತುರ್ತು ರೋಗಿಗಳಿಗೆ ಬೆಂಗಳೂರು ಪೊಲೀಸರ ನೆರವು

ಬೆಂಗಳೂರು: ಕೊರೋನಾ ಹೊರತಾಗಿ ಇತರ ರೋಗಿಗಳು ತುರ್ತಾಗಿ ಆಸ್ಪತ್ರೆಗೆ ಸಾಗಬೇಕಿದ್ದರೆ ಬೆಂಗಳೂರು ಪೊಲೀಸರು ಒಂದು ಕರೆ ಮಾಡಿದರೆ ಅಗತ್ಯ ಸೇವೆ ನೀಡಲಿದ್ದಾರೆ.

ಆಂಬ್ಯುಲೆನ್ಸ್ ಸೇವೆಯೂ ವ್ಯತ್ಯಯವಾಗಿರುವುದರಿಂದ ಬೆಂಗಳೂರು ಪೊಲೀಸರು ಹೊಯ್ಸಳ ವಾಹನವನ್ನು ತುರ್ತು ರೋಗಿಗಳನ್ನು ಆಸ್ಪತ್ರೆಗೆ ಕರೆದೊಯ್ಯಲು ಬಳಸಲಿದ್ದಾರೆ.

ಹೀಗಾಗಿ ಕೊರೋನಾ ಹೊರತಾಗಿ ಯಾವುದೇ ರೀತಿಯಲ್ಲಿ ಅರ್ಜೆಂಟಾಗಿ ಆಸ್ಪತ್ರೆಗೆ ತೆರಳಬೇಕೆಂದಿದ್ದರೆ ಬೆಂಗಳೂರು ಪೊಲೀಸರಿಗೆ 100 ನಂಬರ್ ಗೆ ಕರೆ ಮಾಡಿದರೆ ಸಾಕು. ನಿಮ್ಮ ಮನೆಗೇ ಬಂದು ಆಸ್ಪತ್ರೆಗೆ ಕರೆದೊಯ್ಯಲಿದ್ದಾರೆ ಎಂದು ಸಿಟಿ ಪೊಲೀಸ್ ಕಮಿಷನರ್ ಭಾಸ್ಕರ ರಾವ್ ತಿಳಿಸಿದ್ದಾರೆ.