ಮುಂಬೈ: ಕೊರೋನಾದಿಂದಾಗಿ ಯಾವುದೇ ಪಂದ್ಯಗಳು ನಡೆಯುತ್ತಿಲ್ಲ. ಹೀಗಾಗಿ ಕ್ರಿಕೆಟಿಗರ ವೇತನ ಕಡಿತಗೊಳಿಸುವ ಬಗ್ಗೆಯೂ ಮಾತು ನಡೆದಿತ್ತು. ಆದರೆ ಅದೆಲ್ಲವನ್ನೂ ಸುಳ್ಳು ಮಾಡುವಂತೆ ಬಿಸಿಸಿಐ ಈಗ ಗುತ್ತಿಗೆ ಆಧಾರಿತ ಆಟಗಾರರ ವೇತನ ಪಾವತಿ ಮಾಡಿದೆ.
ಭಾರತ ಮತ್ತು ಭಾರತ ಎ ತಂಡದ ಪರ ಆಡಿದ ಗುತ್ತಿಗೆ ಆಧಾರಿತ ಆಟಗಾರರ ಪ್ರಸಕ್ತ ವರ್ಷ ಆಡಿದ ಪಂದ್ಯಗಳ ವೇತನವನ್ನು ಪೂರ್ಣವಾಗಿ ಪಾವತಿ ಮಾಡಲಾಗಿದೆ ಎಂದು ಬಿಸಿಸಿಐ ಹೇಳಿದೆ.
ಹಣಕಾಸಿನ ಸಂಕಷ್ಟವಿದ್ದರೂ ಆಟಗಾರರಿಗೆ ಇದರಿಂದ ಸಮಸ್ಯೆಯಾಗುವುದು ಬೇಡ ಎಂದು ವೇತನ ಪಾವತಿಸಿರುವುದಾಗಿ ಬಿಸಿಸಿಐ ಹೇಳಿಕೆ ನೀಡಿದೆ.
