ಶ್ವಾನವೊಂದರ ಸಮಯೋಚಿತ ನಡೆ, ಬುದ್ಧಿವಂತಿಕೆಗೆ ಸಾಕ್ಷಿಯಾದ ದೃಶ್ಯವಿದು. ಶ್ವಾನವೊಂದು ಬಾಯಲ್ಲಿ ದೊಡ್ಡ ರಿಂಗ್ ಕಚ್ಚಿಕೊಂಡು ಬರುತ್ತಿರುವ ದೃಶ್ಯದ ಮೂಲಕ ಈ ಕ್ಲಿಪ್ ಶುರುವಾಗುತ್ತದೆ. ಹೀಗೆ ರಿಂಗ್ ಕಚ್ಚಿಕೊಂಡು ಹೋಗುತ್ತಿರುವ ಈ ಮುದ್ದು ಶ್ವಾನಕ್ಕೆ ಮೆಟ್ಟಿಲುಗಳನ್ನು ಹತ್ತಲು ಆಗುವುದಿಲ್ಲ. ಇದಕ್ಕಾಗಿ ಇದು ಸಾಕಷ್ಟು ಪ್ರಯತ್ನಪಡುತ್ತದೆ. ಆದರೆ, ಸಾಧ್ಯವೇ ಆಗುವುದಿಲ್ಲ. ಹಾಗಂತ, ಈ ಮುದ್ದು ಶ್ವಾನ ತನ್ನ ಪ್ರಯತ್ನವನ್ನು ಬಿಡುವುದಿಲ್ಲ. ಜತೆಗೆ, ತನಗೆ ಎದುರಾದ ಸವಾಲನ್ನು ಅದ್ಭುತವಾಗಿ ಪರಿಹರಿಸಿಕೊಳ್ಳುತ್ತದೆ. ಈ ದೃಶ್ಯವನ್ನು ನೋಡುವಾಗಲೇ ಖುಷಿಯಾಗುತ್ತದೆ. `ಸಾಗುವ ದಾರಿಯಲ್ಲಿ ತೊಂದರೆಗಳು ಎದುರಾಗುತ್ತವೆ. ಆದರೆ, ಇಂತಹ `ಸಮಸ್ಯೆ ಪರಿಹರಿಸುವ ಮನೋಭಾವ' ಇದ್ದರೆ ಎಷ್ಟು ಚೆನ್ನ.' ಎಂಬ ಕ್ಯಾಪ್ಶನ್‌ನೊಂದಿಗೆ ಈ ವಿಡಿಯೋವನ್ನು ದೀಪಾನ್ಶು ಅವರು ಹಂಚಿಕೊಂಡಿದ್ದಾರೆ.
