ಬೆಂಗಳೂರಿನ ಆಟೋ ಶೆಡ್ ನಲ್ಲಿ ಬೆಂಕಿ ಅನಾಹುತ

ಬೆಂಗಳೂರು- ನಗರದ ನಾಯಂಡಹಳ್ಳಿ ಸಮೀಪದ ಗಂಗೊಂಡನಹಳ್ಳಿಯಲ್ಲಿ ಆಟೋ ಶೆಡ್ ನಲ್ಲಿ ಅಗ್ನಿ ಅವಘಡ ನಡೆದಿದೆ.ತಡರಾತ್ರಿ1 ಗಂಟೆ ಸುಮಾರಿಗೆ ಆಟೋ ಶೆಡ್ ಗೆ ಬೆಂಕಿ ಬಿದ್ದಿದೆ.ಮನೆ ಮುಂದೆ ಜಾಗ ಇಲ್ಲ ಅಂತ ಶೆಡ್ ನಲ್ಲಿ ಪಾರ್ಕಿಂಗ್ ಫೀಸ್ ಕೊಟ್ಟು ಆಟೋ ನಿಲ್ಲಿಸ್ತಿದ್ರು.ಅಗ್ನಿ ಅನಾಹುತ ವೇಳೆ ಸುಮಾರು 30-40 ಆಟೋಗಳು ಅಗ್ನಿಗಾಹುತಿಯಾಗಿದೆ.ರಿಜ್ವಾನ್ ಎಂಬಾತನಿಗೆ ಸೇರಿರೋ ಆಟೋ ಶೆಡ್ ನಲ್ಲಿ ಅಗ್ನಿ ಅನಾಹುತವಾಗಿದೆ.

ಸುಮಾರು ಮೂರು ಗಂಟೆಗಳ ಕಾಲ ಅಗ್ನಿಶಾಮಕ ಸಿಬ್ಬಂದಿ ಅಗ್ನಿ ನಂದಿಸಿದ್ದಾರೆ.ಅಗ್ನಿಶಾಮಕ ಸಿಬ್ಬಂದಿಗೆ ಸ್ಥಳೀಯರು ಕೂಡ ಸಾಥ್ ಕೊಟ್ಟಿದ್ದಾರೆ.ಯಾವ ಕಾರಣಕ್ಕೆ ಬೆಂಕಿ ಬಿತ್ತು ಅನ್ನೋದ್ರ ಕುರಿತು ಅನುಮಾನ ಉಂಟಾಗಿದೆ.ಶಾರ್ಟ್ ಸರ್ಕ್ಯೂಟ್ ನಿಂದ ಅಗ್ನಿ ಅನಾಹುತ ಸಂಭವಿಸಿರೋ ಸಾಧ್ಯತೆ ಇದೆ.ತಡರಾತ್ರಿ ಆಟೋಗಳು ಸುಟ್ಟು ಕರಕಲಾಗಿದ್ದು,ಬೆಂಕಿಯನ್ನ ಸಂಪೂರ್ಣವಾಗಿ  ಅಗ್ನಿಶಾಮಕ ಸಿಬ್ಬಂದಿ ನಂದಿಸಿದ್ದಾರೆ.