ನಕಲಿ ಪ್ಲೇಟ್ ಬಳಸಿ ಸಂಚರಿಸುತ್ತಿದ್ದ ಬಸ್​​​ ವಶಕ್ಕೆ

ರಾಮನಗರ RTO ಅಧಿಕಾರಿಗಳು ಭರ್ಜರಿ ಕಾರ್ಯಾಚರಣೆ ನಡೆಸಿದ್ದಾರೆ. ಒಂದೇ ನಂಬರ್​ನ ಎರಡು ಬಸ್​ಗಳನ್ನ ಅಧಿಕಾರಿಗಳು ಸೀಜ್ ಮಾಡಿದ್ದಾರೆ. ಹಲವು ವರ್ಷಗಳಿಂದ ರಾಮನಗರ ಜಿಲ್ಲಾ ವ್ಯಾಪ್ತಿಯಲ್ಲಿ ಒಂದೇ ನಂಬರ್ ಪ್ಲೇಟ್ ಬಳಸಿ ಸಂಚಾರ ಮಾಡಲಾಗುತ್ತಿತ್ತು. KA-06-B 5766 ನಂಬರ್​ನ ಅಡಿಯಲ್ಲಿ ಸಂಚರಿಸುತ್ತಿದ್ದ ಎರಡು ಖಾಸಗಿ ಬಸ್​ಗಳನ್ನ ರಾಮನಗರ RTO ಅಧಿಕಾರಿ ಶಿವಕುಮಾರ್ ನೇತೃತ್ವದಲ್ಲಿ ವಶಕ್ಕೆ ಪಡೆಯಲಾಗಿದೆ. ಟ್ಯಾಕ್ಸ್ ಹಾಗೂ ಪರ್ಮೀಟ್ ಹಣ ತಪ್ಪಿಸಲು ಬಸ್ ಮಾಲೀಕ ಈ ರೀತಿ ಮಾಡಿದ್ದು, ಪ್ರಕರಣ ದಾಖಲಿಸಿಕೊಂಡಿರುವ ಅಧಿಕಾರಿಗಳು ಎರಡು ಬಸ್​ಗಳನ್ನ ಸೀಜ್ ಮಾಡಿದ್ದಾರೆ.