ಕಳಪೆ ಗುಣಮಟ್ಟದ 9 ಇಂಜೆಕ್ಷನ್ ಗಳು ಬ್ಯಾನ್: ಯಾವೆಲ್ಲಾ ಇಂಜೆಕ್ಷನ್ ಇಲ್ಲಿದೆ ವಿವರ

Photo Credit: X

ಬೆಂಗಳೂರು: ಗುಣಮಟ್ಟ ಪರೀಕ್ಷೆಯಲ್ಲಿ ವಿಫಲವಾದ 9 ಇಂಜೆಕ್ಷನ್ ಗಳನ್ನು ರಾಜ್ಯ ಆರೋಗ್ಯ ಇಲಾಖೆ ನಿಷೇಧಿತ ಪಟ್ಟಿಗೆ ಸೇರಿಸಿದೆ. ಆ ಇಂಜೆಕ್ಷನ್ ಗಳು ಯಾವುವು ಇಲ್ಲಿದೆ ಪಟ್ಟಿ.

ಅಸುರಕ್ಷಿತ ಮತ್ತು ಗುಣಮಟ್ಟ ಪರಿಶೀಲಿಸಲು ಈ ಇಂಜೆಕ್ಷನ್ ಗಳನ್ನು ಪ್ರಯೋಗಾಲಯದಲ್ಲಿ ಪರೀಕ್ಷೆ ನಡೆಸಲಾಗಿತ್ತು. ಆದರೆ ನಿರೀಕ್ಷಿತ ಗುಣಮಟ್ಟ ಹೊಂದಿಲ್ಲ ಎಂಬ ಕಾರಣಕ್ಕೆ ಈ ಇಂಜೆಕ್ಷನ್ ಗಳನ್ನು ನಿಷೇಧಿತ ಪಟ್ಟಿಗೆ ಸೇರಿಸಲಾಗಿದೆ. ಇದರಲ್ಲಿ ಸಾಮಾನ್ಯ ಜ್ವರಕ್ಕೆ ನೀಡಲಾಗುವ ಇಂಜೆಕ್ಷನ್ ಕೂಡಾ ಸೇರಿದೆ.

ಈ ಔಷಧಿಗಳನ್ನು ಉತ್ಪಾದಿಸುವ ಕಂಪನಿಗಳಲ್ಲಿ ಔಷಧಿ ಉತ್ಪಾದನಾ ಪದ್ಧತಿಯ ಪಾಲನೆಯಾಗುತ್ತಿದೆಯೇ ಎಂದು ಪರಿಶೀಲಿಸಬೇಕು ಮತ್ತು ಅಲ್ಲಿಯವರೆಗೆ ಈ ಕಂಪನಿಗಳ ಉತ್ಪನ್ನ ಮಾರಾಟಕ್ಕೆ ಅವಕಾಶ ನೀಡಬಾರದು ಎಂದು ಆರೋಗ್ಯ ಸಚಿವ ದಿನೇಶ್ ಗುಂಡೂರಾವ್ ಆದೇಶ ನೀಡಿದ್ದಾರೆ.

ನಿಷೇಧಿತ 9 ಇಂಜೆಕ್ಷನ್ ಗಳು ಮತ್ತು ಅವುಗಳ ಉಪಯೋಗ

1. ಮೆಟ್ರೋನಿಡಜೋಲ್: ಬ್ಯಾಕ್ಟೀರಿಯಾ ಸೋಂಕಿಗೆ
2. ಮೆಟ್ರೊನಿಡಜೋಲ್ (ಐಎಚ್ಎಲ್ ಲೈಫ್ ಸೈನ್ಸಸ್): ಬ್ಯಾಕ್ಟೀರಿಯಾ ಸೋಂಕು ತಡೆ
3. ಡಿಕ್ಲೊಫೆನಕ್ ಸೋಡಿಯಂ: ನೋವು ನಿವಾರಕ ಇಂಜೆಕ್ಷನ್
4. ಡೆಕ್ರೋಟ್ರೋಸ್ ಇಂಜೆಕ್ಷನ್: ರಕ್ತದಲ್ಲಿ ಸಕ್ಕರೆ ಮತ್ತು ಸೋಡಿಯಂ ಅಂಶ ಕಡಿಮೆ ಮಾಡಲು
5.   ಫ್ರುಸ್ ಮೈಡ್ ಇಂಜೆಕ್ಷನ್: ಆರಲ್ ಔಷಧಿ ತೆಗೆದುಕೊಳ್ಳಲು ಸಾಧ್ಯವಾಗದವರಿಗೆ
6. ಪಿಪರೆಸಿಲಿಯನ್ ಆಂಡ್ ತಜೊಬೆಕ್ಚಂ: ನಿಮೋನಿಯಾ, ಚರ್ಮ ಮತ್ತು ಸ್ತ್ರೀರೋಗ
7. ಕ್ಯಾಲ್ಶಿಯಂ ಗ್ಲೊಕೊನ್ಕೆಟ್:  ಕ್ಯಾಲ್ಶಿಯಂ ಪ್ರಮಾಣ ಹೆಚ್ಚಿಸಲು
8. ಒಂಡಾನ್ಸರ್ಟನ್ ಕ್ಯಾನ್ಸರ್: ಔಷಧಿಯಿಂದ ವಾಕರಿಕೆ ಆಗುತ್ತಿದ್ದರೆ
9. ಅಟ್ರೋಪ್ಚೆನ್ ಸಲ್ಫೇಟ್: ವಿಷ ಉಪಶಮನಕ್ಕೆ