ಬೆಲೆಗಳು ದಿನದಿಂದ ದಿನಕ್ಕೆ ಏರಿಕೆ ಆಗ್ತಿದೆ. ಆದರೆ ಬೆಂಗಳೂರಿನ ಮನೆ ಮಾಲೀಕನೋರ್ವನಿಗೆ ವಿದ್ಯುತ್ ಶಾಕ್ ಎದುರಾಗಿದೆ. ಬೆಂಗಳೂರಿನ ಬನ್ನೇರುಘಟ್ಟ ರಸ್ತೆಯಲ್ಲಿರುವ ದೊಡ್ಡ ಕಮ್ಮನಹಳ್ಳಿಯಲ್ಲಿರುವ ಮನೆ ಮಾಲೀಕನಿಗೆ ಬೆಸ್ಕಾಂ ಶಾಕ್ ನೀಡಿದೆ. ತಿಂಗಳಿಗೆ 300-400 ರೂಪಾಯಿ ಬರ್ತಿದ್ದ ಕರೆಂಟ್ ಬಿಲ್, ಸೆಪ್ಟೆಂಬರ್‌ನಲ್ಲಿ ಬರೋಬ್ಬರಿ 22 ಸಾವಿರ ರೂಪಾಯಿ ಬಂದಿದೆ. ವಿದ್ಯುತ್ ಬಿಲ್ ಕಂಡ ಮನೆ ಮಾಲೀಕ ರಾಜುವಿಗೆ ವಿದ್ಯುತ್ ಶಾಕ್ ಹೊಡೆದಂತಾಗಿದೆ. ಆಗಸ್ಟ್ ತಿಂಗಳಿನಲ್ಲಿ 348 ರೂಪಾಯಿ ಕರೆಂಟ್ ಬಿಲ್ ಬಂದಿತ್ತು. ಇದನ್ನು ಆತ ಕೇಳಿದ್ದ. ಆದರೆ, 22 ಸಾವಿರ ರೂಪಾಯಿ ಸೆಪ್ಟೆಂಬರ್ ಕರೆಂಟ್ ಬಿಲ್ ಅನ್ನು ಬೆಸ್ಕಾಂ ಸಿಬ್ಬಂದಿ ನೀಡಿದ್ದಾನೆ. ಇದನ್ನ ಕಂಡ ಮನೆ ಮಾಲೀಕ ತಲೆ ಮೇಲೆ ಕೈ ಹೊತ್ತು ಕುಳಿತಿದ್ದಾನೆ. ನಂತರ ಈ ಬಿಲ್ ಅನ್ನು ಪಾವತಿ ಮಾಡಿಲ್ಲ. ನಂತರ ಈ ತಿಂಗಳ 22 ಸಾವಿರದ ಜೊತೆಗೆ ಒಂದು ತಿಂಗಳ ಕರೆಂಟ್ ಬಿಲ್ ಸೇರಿಸಿ 23 ಸಾವಿರ ರೂಪಾಯಿ ಬಿಲ್ ನೀಡಲಾಗುತ್ತದೆ. ಇದನ್ನ ಕಂಡ ರಾಜುಗೆ ತಲೆ ಕೆಟ್ಟಂತಾಗಿದ್ದರೆ, ಪೇಚಿಗೆ ಸಿಲುಕಿದ್ದಾನೆ. ಬೇರೆಯವರ ಮನೆ ಬಿಲ್ ಅನ್ನು ಈ ವ್ಯಕ್ತಿಗೆ ನೀಡಲಾಗಿದೆ ಎಂದು ಮನೆ ಮಾಲೀಕ ಆರೋಪ ಮಾಡಿದ್ದಾನೆ. ನಾವು ಬಡವರು ನಾವು ಅಷ್ಟೊಂದು ಹಣವನ್ನು ನೀಡಲು ಸಾಧ್ಯ ಎಂದು ಅವರು ತಮ್ಮ ಅಳಲನ್ನು ತೋಡಿದ್ದಾರೆ.
