ಆ ದಿನ ಆಗುತ್ತೆ, ಈ ದಿನ ಆಗುತ್ತೆ, ಯಶ್ 19 ಬಗ್ಗೆ ಮತ್ತೊಂದು ಸುದ್ದಿ!

ಬೆಂಗಳೂರು: ರಾಕಿಂಗ್ ಸ್ಟಾರ್ ಯಶ್ ಮುಂದಿನ ಸಿನಿಮಾ ಯಾವಾಗ ಎಂದು ಅಭಿಮಾನಿಗಳಿಗೆ ಕಾದು ಕಾದು ಸುಸ್ತಾಗಿದೆ. ಈ ನಡುವೆ ಯಶ್19 ಬಗ್ಗೆ ಈಗ ಹೊಸ ಸುದ್ದಿ ಹರಿದಾಡುತ್ತಿದೆ.

ಯಶ್ ಗಣೇಶ ಹಬ್ಬಕ್ಕೆ ಅಥವಾ ದಸರಾಗೆ ಹೊಸ ಸಿನಿಮಾ ಘೋಷಣೆ ಮಾಡಬಹುದು ಎಂದು ಕಾಯುತ್ತಿದ್ದರು. ಆದರೆ ಆಗಲಿಲ್ಲ. ಅಭಿಮಾನಿಗಳೂ ಸೋಷಿಯಲ್ ಮೀಡಿಯಾದಲ್ಲಿ ಯಶ್ 19 ಯಾವಾಗ ಎಂದು ಕೇಳುತ್ತಲೇ ಇರುತ್ತಾರೆ.

ಈ ನಡುವೆ ಯಶ್ 19 ನವಂಬರ್ 1 ಕ್ಕೆ ಬಿಡುಗಡೆಯಾಗಲಿದೆ ಎಂಬ ಸುದ್ದಿ ಕೇಳಿಬರುತ್ತಿದೆ. ಮತ್ತೆ ಕೆಲವರು ದೀಪಾವಳಿಗಂತೂ ಪಕ್ಕಾ ಘೋಷಣೆಯಾಗಲಿದೆ ಎನ್ನುತ್ತಿದ್ದಾರೆ. ಈ ವಿಚಾರವೀಗ ಸೋಷಿಯಲ್ ಮೀಡಿಯಾದಲ್ಲಿ ಭಾರೀ ಚರ್ಚೆಯಾಗುತ್ತಿದೆ. ನವಂಬರ್ 1 ಕ್ಕೆ ಸಿನಿಮಾ ಘೋಷಣೆಯಾದರೆ ದೀಪಾವಳಿ ಫಸ್ಟ್ ಲುಕ್ ರಿವೀಲ್ ಆಗಬಹುದು ಎಂಬ ನಿರೀಕ್ಷೆಯಲ್ಲಿ ಅಭಿಮಾನಿಗಳಿದ್ದಾರೆ.