ಟಾಕ್ಸಿಕ್ ಟೈಟಲ್ ಟೀಸರ್ ನಲ್ಲಿ ಹಾಡಿದ್ದು ಈ ಖ್ಯಾತ ನಟಿ!

ಬೆಂಗಳೂರು: ರಾಕಿಂಗ್ ಸ್ಟಾರ್ ಯಶ್ ಮುಂದಿನ ಸಿನಿಮಾ ಟಾಕ್ಸಿಕ್ ಎಂದು ಮೊನ್ನೆಯಷ್ಟೇ ಘೋಷಣೆಯಾಗಿದೆ. ಟೀಸರ್ ಮೂಲಕ ಟೈಟಲ್ ಘೋಷಣೆ ಮಾಡಲಾಗಿತ್ತು.

ಟೈಟಲ್ ನಷ್ಟೇ ಗಮನ ಸೆಳೆದಿದ್ದು, ಟೀಸರ್ ನಲ್ಲಿ ಹಿನ್ನಲೆಯಲ್ಲಿ ಮೂಡಿಬಂದ ಸಂಗೀತ. ರಾಕ್ ಶೈಲಿಯ ಹಾಡಿನ ಬಗ್ಗೆ ಎಲ್ಲರಿಗೂ ಕುತೂಹಲವಾಗಿದ್ದು, ಈ ಹಾಡನ್ನು ನೋಡಿದರೆ ಈ ಸಿನಿಮಾ ಪ್ಯಾನ್ ಇಂಟರ್ ನ್ಯಾಷನಲ್ ಲೆವೆಲ್ ನಲ್ಲಿರಲಿದೆ ಎನ್ನುವುದು ಪಕ್ಕಾ ಆಗಿದೆ.

ಅಷ್ಟಕ್ಕೂ ಈ ಟೀಸರ್ ಹಾಡಿನ ತುಣುಕಿನ ಬಗ್ಗೆ ಇಂಟ್ರೆಸ್ಟಿಂಗ್ ವಿಚಾರವಿದೆ. ಈ ಹಾಡನ್ನು ಹಾಡಿದ್ದು ಖ್ಯಾತ ನಟಿ ಶ್ರುತಿ ಹಾಸನ್. ಸಂಗೀತ ಸಂಯೋಜಿಸಿದ್ದು ಯುಕೆ ಮೂಲದ ಜೆರೆಮಿ ಸ್ಟಾಕ್ ಎಂಬವರು. ಈ ಸಿನಿಮಾಗೆ ಚರಣ್ ರಾಜ್ ಕೂಡಾ ಸಂಗೀತ ಸಂಯೋಜಿಸಲಿದ್ದಾರೆ.

ಇದುವರೆಗೆ ಕನ್ನಡ ಸಿನಿಮಾದಲ್ಲಿ ಇಂತಹದ್ದೊಂದು ಪ್ರಯೋಗ ನಡೆದಿರಲಿಲ್ಲ. ಇದೀಗ ಪರಭಾಷೆ ಬಿಟ್ಟು ಪರದೇಶದ ಸಂಗೀತ ಸಂಯೋಜಕರಿಂದ ಹಾಡು ಮಾಡಿಸುವಷ್ಟು ಕನ್ನಡ ಚಿತ್ರರಂಗ ಬೆಳೆದು ನಿಂತಿದೆ ಎನ್ನುವುದು ವಿಶೇಷ.