ಬಿಗ್‌ಬಾಸ್‌ಗೆ ವೈಲ್ಡ್‌ ಕಾರ್ಡ್ ಎಂಟ್ರಿಯಾಗುತ್ತಿರುವ ಸ್ಪರ್ಧಿಗಳಿಬ್ಬರು ಇವರೇ

Photo Courtesy X

ಬೆಂಗಳೂರು: ಈಚೆಗೆ ದೊಡ್ಮನೆಗೆ ಗಾಯಕ ಹನುಮಂತು ವೈಲ್ಡ್ ಕಾರ್ಡ್ ಮೂಲಕ ಎಂಟ್ರಿ ಕೊಟ್ಟ ಬೆನ್ನಲ್ಲೇ ಮತ್ತಿಬ್ಬರು ಸ್ಪರ್ಧಿಗಳು ಇಂದು ಎಂಟ್ರಿಯಾಗಿದ್ದಾರೆ. ಪುರುಷ ಮತ್ತು ಮಹಿಳಾ ಸದಸ್ಯರು ಇಂದು ಸೂಪರ್ ಸಂಡೇ ವಿತ್ ಬಾದ್‌ ಷಾ ವೇದಿಕೆ ಮೂಲಕ ಬಿಗ್‌ಬಾಸ್ ಮನೆಗೆ ಎಂಟ್ರಿ ಕೊಟ್ಟಿದ್ದಾರೆ.

ಮೂಲಗಳ ಪ್ರಕಾರ ಶೋಭಾ ಶೆಟ್ಟಿ ಮತ್ತು ರಜನ್ ಕಿಶನ್ ಅವರು ಮನೆಯೊಳಗೆ ಹೋಗಿದ್ದಾರೆ. ಇನ್ನೂ ವಾರದ ಕತೆ ಕಿಚ್ಚ ಸುದೀಪನ ಜತೆ ಎಪಿಸೋಡ್‌ನಲ್ಲಿ ಡಬಲ್ ಎಲಿಮಿನೇಷನ್ ಸುಳಿವು ನೀಡಿದ್ದಾರೆ. ಅದರಂತೆ ಜೋಡಿಯಾಗಿ ದೊಡ್ಮನೆಗೆ ಎಂಟ್ರಿಯಾಗಿದ್ದ ಧರ್ಮಕೀರ್ತಿರಾಜ್ ಹಾಗೂ ಅನುಷಾ ಇದೀಗ ಮನೆಯೊಂದ ಹೊರಬಿದ್ದಿದ್ದಾರೆ ಎಂಬ ಸುದ್ದಿ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.

ಕಲರ್ಸ್ ಕನ್ನಡ ವಾಹಿನಿ ಬಿಡುಗಡೆ ಮಾಡಿದ ಪ್ರೋಮೋದಲ್ಲಿ ಕಿಚ್ಚ ಸುದೀಪ್ ಅವರು ವೈಲ್ಡ್‌ ಕಾರ್ಡ್‌ ಸ್ಪರ್ಧಿಗಳು ಪರಿಚಯಿಸಿದ್ದಾರೆ. ಅವರ ಮಾತುಗಳನ್ನು ಕೇಳಿ, 'ಇವರು ನಿಜವಾದ ಬಿಗ್ ಬಾಸ್ ಸ್ಪರ್ಧಿ' ಎಂದು ಸುದೀಪ್ ಅವರು ಹೇಳಿದ್ದಾರೆ.