ಮದುವೆಗೆ ಮೂರು ದಿನವಿರುವಾಗ ತೆಲುಗು ಸ್ಟಾರ್ ನಟನಿಗೆ ಅಪಘಾತ

ಹೈದರಾಬಾದ್: ತೆಲುಗು ಸ್ಟಾರ್ ನಟ ಶರ್ವಾನಂದ ಇನ್ನೇನು ಹಸೆಮಣೆ ಏರಲಿದ್ದು, ಅದಕ್ಕೆ ಕೆಲವೇ ದಿನಗಳ ಮೊದಲು ಅವರಿಗೆ ಅಪಘಾತವಾಗಿದೆ ಎಂದು ತಿಳಿದುಬಂದಿದೆ.

ಇನ್ನು ಮೂರು ದಿನದಲ್ಲಿ ಶರ್ವಾನಂದ್ ವೈವಾಹಿಕ ಜೀವನಕ್ಕೆ ಕಾಲಿಡಲಿದ್ದಾರೆ. ಆದರೆ ಇದೀಗ ಅವರ ಐಷಾರಾಮಿ ಕಾರು ಹೈದಾರಾಬಾದ್ ನ ಫಿಲಂನಗರದಲ್ಲಿ ಅಪಘಾತಕ್ಕೀಡಾಗಿದೆ. ನಿಯಂತ್ರಣ ಕಳೆದುಕೊಂಡು ರಸ್ತೆ ಪಕ್ಕದ ಮರಕ್ಕೆ ಢಿಕ್ಕಿಯಾಗಿದೆ.

ಈ ಬಗ್ಗೆ ಅವರೇ ಟ್ವೀಟ್ ಮಾಡಿದ್ದು, ನನ್ನ ಕಾರು ಅಪಘಾತಕ್ಕೀಡಾಗಿರುವುದು ನಿಜ. ಆದರೆ ದೊಡ್ಡ ಸಮಸ್ಯೆಯೇನೂ ಆಗಿಲ್ಲ. ನಿಮ್ಮ ಪ್ರೀತಿಗೆ ಧನ್ಯವಾದ ಎಂದಿದ್ದಾರೆ.