ಮೂರು ಬಿಗ್ ಸಿನಿಮಾಗಳ ಹಕ್ಕು ಈ ಟಿವಿ ವಾಹಿನಿ ಪಾಲಾಯ್ತು

ಬೆಂಗಳೂರು: ಇತ್ತೀಚೆಗೆ ಬಿಗ್ ಬಜೆಟ್ ಸಿನಿಮಾಗಳು ಬಿಡುಗಡೆಗೂ ಮುನ್ನವೇ ಹಣ ಗಳಿಕೆ ಮಾಡುತ್ತಿರುವುದು ಹೊಸದೇನಲ್ಲ. ಈಗ ತೆಲುಗು ಮೂಲದ ಸೈರಾ ಮತ್ತು ಕನ್ನಡದ ಒಡೆಯ ಸಿನಿಮಾಗಳು ಆ ಸಾಲಿಗೆ ಸೇರಿವೆ.

ಮೆಗಾಸ್ಟಾರ್ ಚಿರಂಜೀವಿ ಅಭಿನಯದ ಸೈರಾ ತೆಲುಗು ಮಾತ್ರವಲ್ಲದೆ ಕನ್ನಡ, ಹಿಂದಿ ಸೇರಿದಂತೆ ಬಹುಭಾಷೆಯಲ್ಲಿ ಬಿಡುಗಡೆಯಾಗುತ್ತಿದೆ. ಈ ಸಿನಿಮಾದ ಸ್ಯಾಟ್ ಲೈಟ್ ಹಕ್ಕನ್ನು ಉದಯ ಟಿವಿ ಖರೀದಿ ಮಾಡಿದೆ. ಮೂಲಗಳ ಪ್ರಕಾರ ಈ ಸಿನಿಮಾ ಬಿಡುಗಡೆಗೂ ಮೊದಲೇ ಕೋಟಿ ಗಳಿಕೆ ಮಾಡಿದೆ ಎನ್ನಲಾಗಿದೆ.

ಇನ್ನು, ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯದ ‘ಒಡೆಯ’ ಸಿನಿಮಾ ಕೂಡಾ ಚಿತ್ರೀಕರಣದ ಹಂತದಲ್ಲಿದ್ದು, ಇನ್ನೂ ಟೀಸರ್ ಕೂಡಾ ಬಿಡುಗಡೆಯಾಗಿಲ್ಲ. ಆದರೆ ಅದಕ್ಕೂ ಮೊದಲೇ ಈ ಸಿನಿಮಾದ ಹಕ್ಕೂ ಉದಯ ಟಿವಿ ಪಾಲಾಗಿದೆ. ಇದಲ್ಲದೆ, ಮುಂದಿನ ವಾರ ತೆರೆಗೆ ಬರಲಿರುವ ಎಪಿ ಅರ್ಜುನ್ ನಿರ್ದೇಶನದ ‘ಕಿಸ್’ ಸಿನಿಮಾ ಹಕ್ಕನ್ನೂ ಉದಯ ಟಿವಿ ಪಡೆದುಕೊಂಡಿದೆ. ಅಲ್ಲಿಗೆ ಮೂರು ಬಿಗ್ ಸಿನಿಮಾಗಳ ಹಕ್ಕನ್ನು ಉದಯ ಟಿವಿ ಖರೀದಿ ಮಾಡಿದಂತಾಗಿದೆ.