ಸೃಜನ್ ಲೊಕೇಶ್ . ಸದ್ಯ ಕಿರುತರೆಯ ಕಿಂಗ್. ಸೃಜನ್ ಅವರು ಬೆಳ್ಳಿತೆರೆಯಲ್ಲಿ ಕಾಣಿಸಿಕೊಂಡ್ರು ಅವರಿಗೆ ಇದುವರೆಗೂ ಗುರುತಿಸಿಕೊಳ್ಳುವಂತಹ ಪಾತ್ರಗಳು ಸಿಗಲೇ ಇಲ್ಲ. ನಾಯಕನಾಗಿ ಕಾಣಿಸಿಕೊಂಡ್ರು ಆ ಸಿನಿಮಾಗಳಿಗೆ ಪ್ರೇಕ್ಷಕ ಮಹಾಪ್ರಭು ಜೈ ಅನ್ನಲೇ ಇಲ್ಲ. ಆದ್ರೆ ಕಿರುತೆರೆಯಲ್ಲಿ ಮಾತ್ರ ಸೃಜನ್ ರಾಜನಾಗಿ ಮೆರೆಯುತ್ತಿದ್ದಾರೆ. ಮಜಾ ಟಾಕೀಸ್ ಕಾರ್ಯಕ್ರಮದ ಮೂಲಕ ಪ್ರತಿ ಕನ್ನಡಿಗರ ಮನೆ ಮನಗಳಲ್ಲಿ ಸ್ಥಾನ ಪಡೆದಿದ್ದಾರೆ.
ಸದ್ಯ ಸೃಜನ್ ಲೊಕೇಶ್ ನಡೆಸಿಕೊಡುತ್ತಿರುವ ಮಜಾ ಟಾಕೀಸ್ ಕಾರ್ಯಕ್ರಮಕ್ಕೆ ಒಂದು ಸಿನಿಮಾಕ್ಕೆ ಹೇಗೆ ಅಭಿಮಾನಿಗಳು ಹುಟ್ಟಿಕೊಳ್ಳುತ್ತಾರೋ ಅಷ್ಟೇ ಸಂಖ್ಯೆಯಲ್ಲಿ ಅಭಾಮನಿಗಳಿದ್ದಾರೆ. ಸದ್ಯ ಮಜಾ ಟಾಕೀಸ್ ಕಾರ್ಯಕ್ರಮದ ಯಶಸ್ಸಿನ ಖುಷಿಯಲ್ಲಿರುವ ಸೃಜನ್ ಲೊಕೇಶ್ ಇದೀಗ ಸಿನಿಮಾವೊಂದರಲ್ಲಿ ಅಭಿನಯಿಸುತ್ತಿದ್ದಾರೆ. ಇವತ್ತು ಸೃಜನ್ ಲೊಕೇಶ್ ಅವರ ಹುಟ್ಟುಹಬ್ಬ. ಹಾಗಾಗಿ ಇವತ್ತು ಸೃಜನ್ ಅವರು ಅಭಿನಯಿಸುತ್ತಿರುವ ಗೋಲ್ ಮಾಲ್ ಬ್ರದರ್ಸ್ ಸಿನಿಮಾದ ಮುಹೂರ್ತ ನಡೆಯಲಿದೆ.
ಈ ಸಿನಿಮಾದಲ್ಲಿ ಸೃಜನ್ ಲೊಕೇಶ್ ಅವರೊಂದಿಗೆ ನಟ ಚಿಕ್ಕಣ್ಣ, ರೂಪೇಶ್ ಶೆಟ್ಟಿ, ಭಾನು, ನಿಖಿತಾ, ಚಿರಶ್ರೀ, ಸಾಧುಕೋಕಿಲ, ಶೋಭರಾಜ್, ರವಿಶಂಕರ್ ಅವರು ಅಭಿನಯಿಸುತ್ತಿದ್ದಾರೆ. ಇದೊಂದು ಹಾಸ್ಯಭರಿತ ಸಿನಿಮಾವಾಗಿದ್ದು, ದೇವರಾಜ್ ಅನ್ನೋರು ಸಿನಿಮಾಕ್ಕೆ ಆಕ್ಷನ್ ಕಟ್ ಹೇಳುತ್ತಿದ್ದಾರೆ.
ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ
ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ.
