ಎಸ್ ಪಿಬಿ ಹಾಡಿದ ಕೊನೆಯ ಹಾಡು ನಾಳೆ ರಿಲೀಸ್

ಚೆನ್ನೈ: ಗಾಯಕ ಎಸ್ ಪಿ ಬಾಲಸುಬ್ರಮಣ್ಯಂ ಹಾಡಿದ ಕೊನೆಯ ಹಾಡು ನಾಳೆ ರಿಲೀಸ್ ಆಗುತ್ತಿದೆ. ಸೂಪರ್ ಸ್ಟಾರ್ ರಜನೀಕಾಂತ್ ಅಭಿನಯದ ‘ಅನ್ನಾತೆ’ ಸಿನಿಮಾದ ಹಾಡು ನಾಳೆ ರಿಲೀಸ್ ಆಗುತ್ತಿದೆ.

ಈ ಹಾಡಿಗೆ ಧ‍್ವನಿ ನೀಡಿದವರು ಎಸ್ ಪಿಬಿ. ಎಸ್ ಪಿಬಿ ನಮ್ಮನ್ನಗಲಿ ಒಂದು ವರ್ಷವಾದ ಹಿನ್ನಲೆಯಲ್ಲಿ ಈ ಹಾಡು ಅವರಿಗೆ ಅರ್ಪಣೆ ಮಾಡುತ್ತಿದೆ ಚಿತ್ರತಂಡ.

ಡಿ ಇಮಾನ್ ಸಂಗೀತ ಸಂಯೋಜಿಸಿರುವ ಹಾಡು ಇಂದು ಸಂಜೆ 6 ಗಂಟೆಗೆ ರಿಲೀಸ್ ಆಗಲಿದೆ. ರಜನಿಗಾಗಿ ಎಸ್ ಪಿಬಿ ಹಲವು ಹಾಡುಗಳನ್ನು ಹಾಡಿದ್ದಾರೆ. ಆದರೆ ಈ ಹಾಡು ಅವರ ಕೊನೆಯ ಹಾಡು ಎನ್ನುವ ಕಾರಣಕ್ಕೆ ವಿಶೇಷವಾಗಿದೆ.