ಶಿವರಾಜ್ ಕುಮಾರ್ ಈಗ ಬ್ಯುಸಿಯೆಸ್ಟ್ ನಟ

ಬೆಂಗಳೂರು: ನಟ ಶಿವರಾಜ್ ಕುಮಾರ್ ಸ್ಯಾಂಡಲ್ ವುಡ್ ನ ಚಿರ ಯುವಕ. ಅವರಿಗೆ ವಯಸ್ಸಾಗುತ್ತಿದೆ ಎಂದು ಯಾರೂ ಹೇಳೋ ಹಾಗಿಲ್ಲ. ಎವರ್ ಚಾರ್ಮಿಂಗ್ ಶಿವಣ್ಣ ಈಗ ಸ್ಯಾಂಡಲ್ ವುಡ್ ಬ್ಯುಸಿಯೆಸ್ಟ್ ನಟ.

59 ನೇ ವಯಸ್ಸಿನಲ್ಲೂ ಲವ್ ಸ್ಟೋರಿ ಮಾಡುವ ಕೆಪಾಸಿಟಿ ಇರುವ ಶಿವಣ್ಣ ಈ ವರ್ಷ ಸಾಲು ಸಾಲು ಚಿತ್ರಗಳನ್ನು ಒಪ್ಪಿಕೊಂಡಿದ್ದಾರೆ. ಅದೂ ಪ್ರಮುಖ ಬ್ಯಾನರ್ ಗಳಲ್ಲಿ, ನಿರ್ಮಾಪಕ, ನಿರ್ದೇಶಕರೊಂದಿಗೆ. ಎಲ್ಲಾ ಸಿನಿಮಾಗಳೂ ಒಂದಕ್ಕಿಂತ ಒಂದು ವಿಶಿಷ್ಟ.

ವೇದ, ಭೈರಾಗಿ, ನೀ ಸಿಗೋವರೆಗೂ, ಸತ್ಯಮಂಗಳ ಅವರ ಟೈಟಲ್ ಅನೌನ್ಸ್ ಆಗಿರುವ ಹೊಸ ಸಿನಿಮಾಗಳು. ಇದಲ್ಲದೆ, ರಿಷಬ್ ಶೆಟ್ಟಿ-ಜಯಣ್ಣ ಕಾಂಬಿನೇಷನ್ ನಲ್ಲಿ ಹೊಸ ಸಿನಿಮಾ ಒಪ್ಪಿಕೊಂಡಿದ್ದಾರೆ. ಅದಕ್ಕೆ ಟೈಟಲ್ ಇನ್ನೂ ಫಿಕ್ಸ್ ಆಗಿಲ್ಲ. ಇದರ ಜೊತೆಗೆ ಭಜರಂಗಿ 2 ಸಿನಿಮಾ ಬಿಡುಗಡೆಗಾಗಿ ಕಾದು ನಿಂತಿದೆ. ಅಂತೂ ಮುಂದಿನ ಎರಡು ವರ್ಷಗಳಿಗೆ ಶಿವಣ್ಣ ಫುಲ್ ಬ್ಯುಸಿಯಾಗಿರುವುದು ಗ್ಯಾರಂಟಿ.